الرئيس السيسي: الدولة تواجه شائعات غير طبيعية وصلت إلى بيع قناة السويس
كتب: بسمة فرج
تحدث الرئيس عبد الفتاح السيسي، عن التنمية في سيناء، قائلا: "ليا مطلب للشركات اللى شغالة في ملف التنمية في سيناء.. سيناء مساحتها 60 ألف كليو متر.. وإحنا في مصر عايشين تقريبا على 60 ألف كيلو تقريبا".
وأضاف الرئيس السيسي، فى كلمته خلال تفقد اصطفاف المعدات المشاركة في تنمية وإعمار سيناء: "وده مهم أوي لأهالينا في سيناء.. مصر كلها 60 ألف كليو تقريبا ونحاول نزودها 12 % بالمدن الجديدة.. وسيناء لوحدها 60 ألف كيلو تقريبا".
الدولة المصرية لم تنفذ مشروعات للتنمية والتعمير في سيناء
وأشار الرئيس عبد الفتاح السيسي، إن الدولة المصرية لم تنفذ مشروعات للتنمية والتعمير في سيناء بسبب ارتفاع التكلفة، قائلا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. وكل الكلام اللى بنقوله دلوقتي على مسطح 60 ألف كيلو في سيناء".
وأضاف الرئيس السيسي، خلال كلمته خلال تفقد اصطفاف المعدات المشاركة في تنمية وإعمار سيناء: "التكلفة للتنمية في سيناء عالية وده اللى أعاق التنمية خلال الفترة اللى فاتت.. نشكل للناس اللى بتسمعنا ونشكل فهما ووعيا".
و عن الحرب على الإرهاب، اكد الرئيس قائلا: "هل حرب الإرهاب خلصت؟.. ما لغاية دلوقتي حجمن من الشائعات والاكاذيب والافتراءات غير طبيعي.. اخرهم قناة السويس.. كلام يعني أن المصريين منتبهين لده ومش هيصدقوا".
تنمية وإعمار سيناء
وأضاف الرئيس السيسي، خلال كلمته خلال تفقد اصطفاف المعدات المشاركة في تنمية وإعمار سيناء: "اتقال اننا بنفكر نبيع قناة السويس وفيه عرض.. عملولي وجمعوا كلامي ده وعملوا فيلم وإن الكلام ده قولتوا.. وقالك بتريليون دولار.. الموضوع عاوز تريليون دولار.. هنبيع القناة.. بغض النظر عن ده والأرقام".
ووضح الرئيس عبد الفتاح السيسي، أن هناك محاولات من أجل عرقلة جهود المصريية، قائلا: "محاولة عرقلة المصريين مستمرة وهتستمر وبالتالي مش هقول الوعى لأنه موجود عند كل قطاعات الشعب المصرى.. ولو الوعى ده مش موجود مكنتش الناس استحملت معانا الظروف الصعبة والأسعار الغالية اللى بتمر بها مصر بقالها أكثر من سنة دلوقتى.. وبعترف بده ده واقع احنا مش سببه صحيح.. فيه عبء كبير فى كل أسرة كل مواطن مصرى نتيجة التكلفة العالية بنعيش بيها".
تكلفة تنمية سيناء
وجه الرئيس عبدالفتاح السيسي، أن تكلفة تنمية سيناء خلال السنوات الماضية 40 – 50 مليار جنيه، معلقا: "حبيت أقولكم اللى انتوا عملتوه السنين اللى فاتت كان ممكن ميتعملش ويتأجل.. الرقم اللى اتكلف في سيناء من 40 إلى 50 مليار دولار، لو بيتعمل دلوقتى هيتكلف ضعف الرقم ده، والوقت اللى محتاجينه للتنفيذ هيتضاعف".
وجه الرئيس السيسي، حديثه للنماذج المشرفة للشركات العاملة من أبناء سيناء خلال تفقده المعدات المشاركة : "بتعمل بقالك كتير محطات تحلية مياه وحجم المكون المحلى عندكم قد إيه.. علشان تزودوا حجم الصناعة المحلية.. خطتنا فى الميه إن كل المدن الساحلية هتبقا ميه تحلية وده برنامج كبير مبينتهيش بإنشاء المحطة.. عاوزين الكلام ده بيتعمل.. يشغل ناس فى مصر ويوفر عملة حرة بنشترى بيها الخامات وقطع الغيار".
جاء ذلك خلال كلمته خلال تفقد اصطفاف المعدات المشاركة فى تنمية وإعمار سيناء.
