أنغام: «عمرو دياب كيان فني محترم يشرف كل المصريين»

علقت المطربة أنغام على مشاركتها في حفل تكريم هاني شنودة بالمملكة العربية السعودية، يوم الأربعاء الماضي، بالاشتراك مع الهضبة عمرو دياب والكينج محمد منير والمطرب أحمد عدوية وعدد من نجوم الفن.

أوضحت أنغام، خلال لقاء لها مع الإعلامي عمرو أديب في برنامج "الحكاية"، قائلة :" أكتر الأغاني اللي بحبها لهاني شنودة هما أنا بعشق البحر وبحلم معاك وأغنية زحمة يا دنيا؛ عشان بحسها شبهنا إحنا المصريين أوي، وكمان غنيتها من قريب أنا وإيهاب توفيق".

أضافت قائلة :" أغنية زحمة يا دنيا كلماتها حلوة أوي مش ممكن، وبصراحة صوت أحمد العدوية عنده القدرة إنه يحببك في أي حاجة وإنه يحط الحاجة في قلبك، وهو عدوية كده في مصر حتة من قلبنا".

أما عن رأيها في الهضبة عمرو دياب، أكدت أنغام قائلة: "عمرو دياب اسم وتاريخ فني محترم، وكيان فني ومصري يشرف كل المصريين، ونموذج محترم للشباب إنهم يشوفوا إن التعب هو اللي بيوصل للنجاح".

وعن رؤيتها للأغنيات وتجديدها، أشارت قائلة: "حاجة تسعدني لو الشباب غنوا أغنياتي بشكل جديد وجددوا منها بتوزيع ورؤية جديدة لأنها كدة لسة عايشة جواهم، وبحب أسمع شغلي بأصوات ناس تانية حتى لو ناس عادية من الفانز مش شرط مشاهير، وفرحت أوي لما كارمن سليمان غنت سيدي وصالك".