عمر كمال: «مش لازم أجيب في سيرة بنات الناس عشان أبقى تريند»

هاجم مطرب المهرجانات عمر كمال البرامج الرمضانية التي تدور في إطار الأسئلة الساخنة.

وأشار عمر كمال عبر حسابه بموقع التواصل الاجتماعي، فيسبوك، قائلاً :" لأي برنامج حواري بيطلبني في رمضان، ده حاجة تشرفني وغالبًا بكون بحترم جدًا المقدم بتاع البرنامج وفوق راسي، لكن الحقيقة أني معنديش حاجة جديدة أتكلم فيها".

وأضاف قائلاً :" يبقى مش لازم أظهر في برنامج، أخبط في فلان غصب عني عشان أعمل تريند، أو حد يجيب لي صورة علانة ويخرجني برة شعوري، ونجيب سيرة الناس وبنات الناس.. مش لازم أكون موجود في رمضان بأي حاجة وخلاص".

واستكمل قائلاً :" لو مليش وجود يبقى مش لازم أكون موجود، فيه 11 شهرا في السنة، ممكن أكون موجود فيهم بأي شكل أنا عاوزه، لكن البرامج اللي من النوعية ديه بطلع منها خسران مش كسبان، مع كامل احترام لكل البرامج ديه والقائمين عليها".