حمو بيكا: عمر كمال صوته مش حلو وحسن شاكوش متكبر
كتب: عزة عبد الحميد
أثار مطرب المهرجانات حمو بيكا الجدل، بعد ما قام به من تصريحات أمس ضد صديقه وزميله عمر كمال، بالإضافة إلى بعض التصريحات النارية الأخرة، ضد عدد من المطربين.
ونرصد من خلال الأسطر القادمة تصريحات حمو بيكا، مع العرافة، بسمة وهبة.
- المهرجانات اسمها أغاني وليست مهرجانات ونقيب الموسيقيين لا يرغب في تسميتها مهرجانات.
- الأغاني اللي بنغنيها هي مش أغاني شعبية ومش زعلانين من تغيير اسم مهرجانات
- حسن شاكوش مظهرش غير معايا والناس كانت بتسالني مين ده
- أنا المدرسة في المهرجانات وأنا اللي بدأتها
- حسن شاكون غنى الأغاني بتاعتي واللي سجلتها في الاستديو بتاعي، والناس كلها عارفة مين السبب في ظهور حسن شاكوش للنور
- اتفقت مع حسن شاكوش من بدايته أننا نعمل شغل مع بعض وأخدت فلوس من الناس لتنفيذ الأغاني وخلف بوعده معايا
- حسن شاكوش بيحب السهر ومش بيحب الشغل لكن أنا بتاع شغل بس
- أنا حضرت فرح حسن شاكوش من البداية للنهاية وهو بيقول اللي غنوا في الفرح جاملوه ومخدوش فلوس بس الله أعلم
- شاكوش بيتكبر على الناس وأنا لما أكون غلبان أحسن ما أكون شراني
- حظي وحش في أصدقائي وبيستغلوا الطيبة بتاعتي، وأنا بساعدهم وبقف جنبهم وفي الأخر بيبعوني
- عمر كمال ده كان بياخد 400 جنيه ودلوقتي بياخد في الأوردر حوالي 50 ألف جنيه
- عمر كمال مش بيعرف يغني وصوته مش حلو
- الفنان هاني شاكر عندما كان نقيبا للموسيقيين قعدني في البيت سنتين بدون شغل ومصطفى كامل على دماغنا من فوق وهو اللي جاب لينا حقنا.
