4 أسباب تؤكد خيانة صباح لـ «جعفر العمدة»

"أنا ليا عيون جوا بيت جعفر"..تلك الإجابة التي رد بها شوقي فتح الله على زوجته وداد في مسلسل "جعفر العمدة" والذي أثار بعدها ضجة كبيرة على السوشيال ميديا وجعلت الجميع يتسائل عن الخائن الذي ينقل أسرار جعفر لعائلة فتح الله.

4 أسباب تؤكد خيانة صباح لـ "جعفر العمدة"

الكثير من التوقعات ذهبت لأن تكون "صباح" شقيقة عبدالله هي الشخص الذي يخونه وينقل أخباره لشوقي فتح الله..في هذا التقرير جمعنا لكم سبب توقع مستخدمي السوشيال ميديا لشخصية صباح بأنها التي تخون جعفر العمدة.

السبب الأول: علاقة جعفر بشقيقته متوترة

قال أحد مستخدمي "فيسبوك": "صباح أخت جعفر العمده لم تظهر طوال الحلقات الماضية للمسلسل أي مشاعر الأخ وأخته مابينهم لدرجة أننا بننسى أنهم أخوات رغم أن جعفر حنين على أخوه الكبير اللي دايمًا عامله مشاكل ورغم أنه حنين علي كل اللي متجوزهم وحتي حنين على اللي شغالين معاه وكمان حنين علي صاحبه اللي هو ابنه ومايعرفش أنه ابنه، وده بيأكد أن صباح هي عين شوقي في البيت".

جعفر رفض زواج أخته من أخو دلال فهدده بالسلاح

وأضاف: "صباح من بداية المسلسل مايتشكش فيها لا بتهش ولا بتنش صباح هي اللي ضربت عايدة بعد ماكانت نازلة من عندها ولو اتكلمنا في ليه هتعمل كده بنسبة كبيرة وهي صغيرة كانت بتحب أخو دلال اللي جعفر ضربه بالنار بالغلط وجعفر رفض يجوزه ليها لأي سبب بقى لأن دا السبب الوحيد اللي هيخليه يهاجم جعفر بمسدس لما كان في بيتهم ويقول لأخته مش هخليكي تروحي معاه أكيد مش بسبب أخته اللي هو ما أذهاش أصلا دول كانوا مجرد زعلانين من بعض فا ايه يخلي أصغر عيل فيهم يمسك مسدس ويروح يدافع عن أخته وأخواته التانيين كانو ساكتين عادي؟ واضح انه كان بيتلككله".

صباح لم تزر شقيقها في السجن

وتابع: "السبب الثالث صباح لم تزور أخوها في السجن رغم إن كل شخص فيهم ليه عذر إلا صباح وجوزها ، جعفر حلف علي مراتاته أنه هيرمي عليهم اليمين لو حد فيهم زاره وأخوه سيد كده كده مش عارف يخرج من بيته عشان يتجرأ ويروحله السجن فا ايه يخلي اخته الصغيرة ماتتشقلبش عشان تروحله السجن وتشوفه زي ما ابنه وامه عملو!".

صباح ولقائها مع بلال شامة

وقال: "السبب الرابع صباح في التريلر الرسمي للمسلسل ظاهرة لمدة ثانيتين بالظبط وهو بلال شامة بيقولها أنتي شيطانة براس ست في الدقيقة 1:38 وكانت قدامه في نفس المكان فا بنسبة كبيرة هتكون هي اللي خططت لخطف ابن جعفر العمدة وهي الي خططت لحبسه عشان هي الوحيدة الي كانت تعرف بسفره من صاحبتها اللي قربت منها واستريحتلها عايدة لأن كل اللي متجوزهم اتفاجئوا أنه مسافر أصلا من الصور اللي نزلت وكل الحوارات اللي في المسلسل بسبب واحدة ست زي ما بلال شامة قال هنستبعد كل اللي متجوزهم مش هيتبقي غير اللي ماحدش هيشك فيها خالص صباح".