طارق النهري لـ«العاصمة»: حمادة فتح الله هيتبرى من ولاده ويطلق أمهم

أكد النجم الكبير طارق النهرى فى تصريحات خاصة للعاصمة أنة سعيد بالنجاح الكبير لشخصية حمادة فتح الله التى يؤديها ضمن مشاهد مسلسل جعفر العمدة وأكد النهرى الناس بتنادينى فى الشارع ياحمادة يافتح الله وأكد النهري فى تصريحاتة للعاصمة قائلًا: ولادي فاتحين صدرهم وأنا خايف عليهم من رد فعل جعفر العمدة وخايف عليهم من اللى جاي.

وأكد النهري دلال بنتي مش قادر أقسى عليها وفى نفس الوقت خايف عليها لوجودها فى بيت جعفر العمدة أنا بحب ولادى وفى نفس الوقت مش راضى عن أفعالهم مؤكدا الحياة مش بلطجة وفتحة صدر الحياة ليها صبر وتحكيم للعقل ويجب عدم الإندفاع وراء المشاعر فقط.

وأكد النهري مازحا حمادة فتح الله زهق من ولادة وهيتبرى منهم ويطلق أمهم عشان فاض بية من أفعالهم وعن زواج شوقى من وداد أكد أنا صدمت لما عرفت بالجوازة وماتكلمتش لأن شوقى فاقد وبايظ وكان لسة خارج من السجن مكانش فى إيديا أى حاجة أقولها.

وعن الإنتقادات الموجهة للمسلسل بغياب الأمن أكد النهري هناك فرق كبير بين الدراما وبين الواقع ماهو أمريكا الناس بتموت بعض والشرطة بتييجي بعد كدة بس دي دراما مالهاش علاقة بالواقع واكد النهري بلدنا بلد الأمن والأمان في ظل قيادة حكيمة ترعى المواطن وتوفر كافة عوامل الأمن والأمان.