عمرو مصطفى يثير الجدل بتصريح صادم: «ويجز بيشتري موسيقى جاهزة على النت بـ100 دولار»
كتب: شروق خالد
كشف المطرب والملحن عمرو مصطفى أن ألبومه الأخير "مالوش زي" مصنوع يدويًا، على عكس أغاني مطرب الراب ويجز والجيل الجديد التي يرى أنها تلغي وظيفة الموزع.
قال "مصطفى": "الموسيقى مبقتش تتعمل على الإيد زي زمان ومبقتش تروح للموزع ويعمل موسيقى بشكل تقليدي، والناس اللي طالعة جديدة عندها موسيقى جاهزة ومش محتاجة موزع موسيقي ترغي معاه وتعمل معاه الشغل ده كله وممكن أنزل كل يوم 3 أغاني، لأن الموسيقى ممكن تشتريها على النت، ودة بيلغي دور الموزع".
وتابع: "على فكرة ويجز وكل الشباب اللي طالعة جديدة كلهم بيشتروا موسيقى جاهزة بـ100 دولار والموزع دوره مش موجود".
واختتم عمرو مصطفى حديثه بأن ألبومه الأخير "مالوش زي" لم يتم بنفس طريقة الجيل الجديد، بقوله: "الألبوم ده آخر حاجة handmade (صنعت يدويًا)"، وجاء ذلك خلال مداخلة هاتفية مع الإعلامية جيهان عبدالله في برنامج "أجمد 7".
في سياق متصل، كان عمرو مصطفى، قد طرح ميني ألبوم "مالوش زي" الجمعة الماضية عبر مختلف منصات الاستماع في الوطن العربي، وذلك بالتزامن مع أولى أيام عيد الفطر المبارك.
إقرأ أيضًا: المطرب شاندو لـ«العاصمة»: راجع بقوة الفترة اللي جاية للغنا.. ومعرفش الترندات بيشتروها منين
