بدرية طلبة لـ طليق منة عرفة: «لما الوسط الفني بالبشاعة دي بتتمحك فيه ليه»

فتحت الفنانة  بدرية طلبة النار، على محمود المهدى طليق الفنانة منة عرفة، صباح اليوم، وذلك بسبب خلافاته مع الدكتور أشرف ذكى نقيب المهن التمثيلية.

وقالت "طلبة" عبر حسابها الخاص بموقع التواصل الاجتماعي «فيسبوك»: «عايز تتشهر ؟ اطلع اشتم فنان .. عايز شهرة أكتر؟؟ اشتم الوسط الفني، عايز شهرة أكتر وأكتر؟ لايڤات كتير واشتم».

وتابعت: «بتشتغل ايه؟ ممثل بنتج لنفسي بفلوسي متجوز مين؟؟ ممثلة طب بعد اللايڤات والشتيمة اتشهرت ؟؟ لالا طب عملت أيه؟؟ طلقت مراتي الممثلة! بجد ولا زى كل مرة؟؟؟ مش عارف حسألها  أنا مش فاضى بتعمل ايه ؟؟؟ أنا طالع لايف يمكن المرة دى أتشهر ».

واستطردت:  "لما لوسط الفني بالبشاعة دى بتتمحك فيه ليه .. بطالب النقابة تقاضى أي نكرة يقل أدبه على أي فنان دا حقنا عند نقابتنا كفاية بقي تلطيش وقلة أدب فينا مش حنفضل على نظام الحسنة تخص والسيئة تعم احنا عندنا عيلة وأولاد وأحفاد مش كل شوية مريض شهرة يطلع يقل أدبه".

ليقوم الفنان محمود المهدى بالرد على الفنانة بدرية طلبة من خلال الحساب الرسمى على موقع الصور والفيديوهات الشهير «إنستجرام» بقوله: "حسبى الله ونعم الوكيل … فى حد كدة ضمن أنه يطلع موسم الرياض على طول».