«جابولى بنزين ومخدوش تمنه ».. سيدة تروى كيف أنقذتها الشرطة بعد تعطل سيارتها بطريق مصر إسكندرية الصحراوى
كتب: طه عبدالله
فى موقف انسانى قدم رجال الشرطة بنزين لسيدة تعطلت سيارتها بطريق مصر اسكندرية الصحراوى .
وروت السيدة تجربتها الأيجابية مع رقم استغاثة المرور وقالت فى منشو لها على صفحتها الشخصبة ب"فيس بوك" " مش عادتى اكتب بوست،بس حقيقي عديت بحاجة إيجابية " .
وأضافت" النهاردة كنت راجعة على الطريق الصحراوى من القاهرة لاسكندرية و للأسف نسيت احط بنزين و انا طالعة من القاهرة. و اتلخمت فى الطريق بكذامكالمة ،العربية قطعت بنزين منى عند الكيلو ٩٠" .
وتابعت " ركنت على جنب ،طلعت نمرة إغاثة المرور و قلت اجرب اتصل بيهم،و لو مانفعش اكلم بعد كده اي شركة خاصة،فعلا كلمتهم و خلال ٢٠دقيقة جالى حوالى ٣٠ تليفون كلهم بيسالونى عن مكانى و التفاصيل اللى حواليا،و بيطلبوا منى share location . من التليفونات ناس من المرور ،ناس من النجدة و فى عميد كلمنى يطمنى و طلب منى اقفل العربية على نفسي.
وأكملت " بعد ٢٠ دقيقة لقيت ٣ عربيات نجدة،ونش مرور جايبلي بنزين،عربية جيش وصلولى، حطيت البنزين ،الونش مشى معايا لغاية اول بنزينة " كلمنى بعدها اطمن ان كله تمام ، و بعده عميد من النجدة كلمنى يطمن برضة.
وأشارت " مارضيوش ياخدوا اى فلوس مقابل ثمن البنزين، وطلبت منهم انهم يتصوروا علشان اعرف اقولهم شكرا
وقدت السيدة الشكر لإغاثةالطريق وشرطةالنجدة ووضعت رقم الأغاثة 01221110000"
