سماح أنور تعلن: أعتزل السوشيال ميديا وسأتواصل مع جمهوري بأعمالي الفنية

كشفت الفنانة سماح أنور، عن رغبتها في الابتعاد عن «السوشيال ميديا» خلال الفترة المقبلة لانشغالها، مؤكدة أنها ستتواصل مع جمهورها عن طريق أعمالها الفنية.  

ونشرت سماح أنور، مقطع فيديو لها وذلك عبر صفحتها الرسمية على «الفيس بوك»، قالت خلاله: «في ناس كتير بتسأل ليه مش بطلع لايفات زي الأول، الحقيقة أنا مش هكون فاضية خالص خلال الفترة المقبلة أعمل ده أو أتواصل بشكل شخصي مش هيبقى متاح».

وأضافت خلال الفيديو: «ولكن هقدر أتواصل معاكم بالطريقة اللي متعودة عليها طوال حياتي وهي التواصل من خلال أعمالي»، موجهة رسالة إعتذار لجمهورها، قائلة: «بعتذر لكل الناس اللي منتظرة منى لايفات شخصية، ده مش هيكون موجود أو متاح أبدًا بعد كده».

وتابعت خلال حديثها: «لكن اللي هيكون متاح أخباري وأعمالي الفنية سواء كانت على ميديا التلفزيونية أو السينمائية أو من خلال ميديا  بتاعت السوشيال ميديا، اللي هتابع معاكم فيها دائما اللي بعمله وبشاركم وأتمنى يكون بيرسم بسمة على وشكم، بحاجة لطيفة لمدة دقيقة أو دقيقتين، ودى أكتر وأحسن حاجة ممكن أقدمها وأتمنى ليكم كل الخير والسعادة».

واختتمت حديثها عبر الفيديو، قائلة: «إن شاء الله نتقابل دائمًا في أعمال فنية جديدة، يارب أن شاء الله تعجبكم وأتمنى ليكم كل الخير وكل السعادة لكل الناس ودائمًا نتقابل من خلال أعمالي وأنتظر آرائكم لأن من غير آرائكم منعرفش نستمتع بالفن اللي إحنا بنقدمه وبشكركم جدًا على كل شئ وعلى متابعتي  بشكل شخصي لـ3سنوات اللي فاتوا وأتمنى ليكم كل الخير والسعادة».

وكانت سماح أنور، ظهرت بإطلالات غريبة ومختلفة خلال الأيام الماضية، والتي تسائل الجمهور عنها وعن سببها، معبرين عن إعجابهم الشديد باللوك الأخير والتي ظهرت بشكل مختلف تمامً عن طبيعة شخصيتها.