هندية : أيمن السويدي حرمني من الخلفة بس مسامحاه وبحبه

كشفت الفنانة هندية سبب حرمانها من الأمومة، رغم رغبتها الشديدة في إنجاب أطفال، كما تحدث عن زيجاتها السابقة وأسباب عدم استمرارها.

وقالت: تزوجت من ايمن السويدي وحملت مرتين وأجهضني وقالي مش عاوز أطفال وانا زعلت وقولت يمكن عشان راقصة طلع أنه عمل كده في حنان ترك واكتر من حد ومش عاوز اولاد وقالي هموت وانا صغير، سمعت كلامه وسقطت مرتين ولكن بحبه جدا ومسامحاه كمان.

وأضافت خلال حوارها مع الإعلامية إنجي هشام في برنامج المنسي عبر قناة هي: أنا كنت عايزة ابقي أم وهو حرمني لكن ف الاخر بقول القرار كان قرار مين ربنا ولا البني ادم هزعل من ربنا ولا منه هو، وبعد ما انفصلت منه قالي ليه سمعتي كلامي؟ قلتلو كرامتي وجعتني.

تابعت : الموقف ده مسببليش أزمة لاني بشوف اجيال بتحزني وطاقتي قلت، بروح عند أخواتي بلعب مع الاحفاد وبموت في الاطفال ولكن بعد ساعة بقولهم خلاص امشوا مبكونش قادرة طاقتي قلت وربنا لو رايد كنت خلفت.

ختمت : اتجوزت مرة تانية وقعدت معاه ١١ سنة وروحنا لدكاترة كتير جدا وربنا مكنش رايد وده كان سبب في الانفصال واتجوز وعنده أولاد دلوقتي وبسأل عليه وبيسأل عليا.