هنا الزاهد: «أنا رغاية.. وأحمد فهمي بيقعد مع نفسه كتير في البيت»

كشفت الفنانة هنا الزاهد، عن الصفات المختلفة بينها وبين زوجها الفنان أحمد فهمي، وشخصيته التي تختلف كثيرا في أماكن التصوير عن المنزل.

قالت الزاهد خلال لقائها مع الإعلامي عبد العزيز أحمد في برنامج "مساء الإمارات" المذاع عبر قناة الظفرة: "أحمد في الحقيقة بيقعد مع نفسه كتير في البيت، وسط الناس هو اجتماعي جدا وبيهزر، لكن لما يرجع البيت بيقفل على نفسه ويركز أوي في شغله، وبيحب شغله جدا وبيتكلم عنه 24 ساعة".

وأضافت: "أنا بقعد أتكلم كتير وأرغي، وممكن ميردش عليا، أنا رغاية وبرد على نفسه".

وحول تعاونها الأخير مع أحمد فهمي في فيلم "مستر إكس"، قالت هنا الزاهد: "الفيلم بالنسبة لي التعاون الثاني مع أحمد بعد مسلسل الواد سيد الشحات، لإن المسلسلات الإذاعية ممكن تبقى تسجيل يوم وممكن لا يحدث لقاء بيني وبينه، والمسرح بيكون 3 أو 4 أيام وخلاص".

وتابعت: "أنا مكنتش في الفيلم في الأول، أحمد كان بيحكيلي والفيلم لسه فكرة، وكنت بألف معاه، وتحمست جدا لفكرة الفيلم لإنه مختلف، وبيناقش قضية الستات والرجالة وفيه رسالة لطيفة".

فيلم "مستر إكس" بطولة أحمد فهمي، هنا الزاهد، بيومي فؤاد، محمد أنور، أوس أوس، رحاب الجمل، ومحمود حافظ، إضافة إلى ظهور عدد من الفنانين كضيوف شرف منهم أكرم حسنى، ريم مصطفى، مصطفى خاطر، محمد أنور، صبرى فواز، عمرو يوسف، رانيا منصور، وآخرين والعمل قصة أمانى التونسي، وفكرة محمد سويلم وفادى أبو السعود، إخراج أحمد عبد الوهاب.