سحر رامي تكشف مفاجأة بشأن أجر أحمد زكي ورغدة في كابوريا
كتب: مؤمن نصر
تحدثت سحر رامي عن كواليس إنتاجها لفيلم "كابوريا" قائلة:' مكنش إنتاجي لوحدي كان إنتاجي أنا وحسين، ولما جينا نعمله مكنش معانا رأس مال فظيع والأرقام مكنتش زي النهارده الأجور كانت بسيطة أوي لو قولتلك الأجور زمان كانت كام أحمد زكي ورغدة اللي كانوا واخدينها مش هتصدقي أنا عندي الورق وعندي كل ده".
أضافت "رامي" خلال حوارها مع الإعلامية انجي هشام في برنامج المنسي عبر قناة "هي": "مبصدقش أن الفيلم نجح الفيلم نجح جدا وعمل نقلة في استخدام المجاميع في السينما وهاجمونا ساعتها والأغنية نجحت اوي وأحمد زكي كان في أحلى حالاته ورغدة كانت رهيبة وأنا مكنتش هعمل الدور كان في اتفاق أننا هنعمل جروب فني لكن مش همثل، لكن لما جينا انتجنا خيري بشارة أصر أني هعمل الدور وقال لحسين مالكش دعوة ومكنش معانا فلوس كتير كنا عايزين ننجح مش هنتهاجم".
وكشفت حقيقة هجومها على الفنان هيثم أحمد زكي بسبب نيته في عمل جزء ثان من فيلم " كابوريا" قائلة:' الحكاية مجاش كده انا فوجئت أن حد بيكلمني فون بيقولي انتي هترفعي قضية على هيثم احمد زكي عشان هيعمل جزء تاني من كابوريا، الكلام ده سمعته من واحد صحفي،. قلتله هو فين الكلام ده هو هيعمل جزء تاني، أنا مش من حقي اقاضيه الجزء التاني ملك عصام الشماع ككتابة، لكن لو اتاخد حته من الفيلم أو حته من الأغنية بيتاخد عليها فلوس لان دي حقوق ودا إنتاجي لكن لو اتعمل جزء تاني أنا مش طرف في الموضوع.
