عمرو أديب: الحاجة اللي تغلى ما تشتريهاش
كتب: محمود جودة
أكد الإعلامي عمرو أديب أن ارتفاع الأسعار الحالي وزيادة سعر صرف الدولار أمر مؤقت، ويرتبط بسلوك المواطن في التعامل معه، مشيرًا إلى أن المواطن يجب عليه أن يرفض شراء السلع الغالية حتى ينخفض سعرها.
وقال "أديب" في برنامجه "الحكاية": "الأسعار هاتنزل تاني والمواطن هو اللي هاينزلها، عن طريق أنه يرفض الحاجات الغالية وما يشتريهاش".
واستكمل: "أنا ما بقولكوش موتوا ولا تقشفوا ولا اخشوشنوا، ولكن اشتروا اللي انتوا عايزينه بس ما تخليش حد يستغفلك أو ياخد منك أكتر من اللي انت عايز تدفعه".
وأضاف أديب: "لو حضراتكم مركزين مع الدولار بس، لازم تعرفوا ان كل العملات زادت، وأن اللي عندهم عملة صعبة مستنينيها ترتفع لسعر معين وبعدين يبيعوا، وأول ما سعر الدولار يكسر حاجز الـ 18 جنيه هايبتدوا يبيعوا، وده المفروض يخلي سعره ينزل، والله أعلم ممكن ينزل ممكن يطلع بعد كدة ما حدش عارف".
