سالي عبد السلام بعد عثورها على كيس غريب أمام منزلها: بتعرض لسحر أسود
كتب: نسرين إبراهيم
طلبت الإعلامية سالي عبد السلام، من متابعيها عبر حسابها على "فيسبوك"، مساعدتها بعدما تعرضت لمواقف غريبة خلال الفترة الماضية، حيث أكدت إنها عثرت على أشياء غريبة أمام منزلها، وذلك بعد عثورها اليوم على كيس به حيوانات منوية، وشكت في كونه سحر أسود لأذيتها.
سحر أسود
وقالت سالي عبد السلام في فيديو نشرته عبر حسابها بموقع فيس بوك: "حصل حاجة غريبة بقى لها فترة بتحصل عندنا، ومعرفش مين بيعمل كده، وعملت سيرش في جوجل طلع سحر أسود، حتى والله لسه ما قلت لأهلي، ولو حد يعرف يساعدني، لأني خلاص عطلت، وكل مرة بلاقي حاجات غريبة عند عتبة البيت، وقبل كده لقيت قطة متكسر عضمها وميتة وفي بوقها ورقة".
وأضافت: "أنا مش مصدقة في إيه، والنهارده وأنا نازلة لقيت كيس فيه حيوانات منوية ومرمي قدام الباب جوه البيت".
وكتبت سالي عبد السلام على الفيديو الذي نشرته: ده فعلا زى ما طلع لي على جوجل إنه سحر معمول.. ومش أول مرة حد ييجى يرمي حاجة غريبة في المدخل على السلم نفسه جوا قدام البيت.. فيه حد يعرف يقولي ده ايه ويساعد؟ أنا بجد تعبت وزهقت وبيحصل بعدها مشاكل كتير أو حد يبقى عيان جدا فى البيت.. فيه حاجة بتتعمل سحر كدة أصلا؟".
اقرأ أيضا: نيللي كريم: أتمنى أن يبتعد الجمهور عن الطاقة السلبية بمسلسلي في رمضان
