«ضحوا بيا».. أكمل يكشف كواليس خلافه مع «صوت الدلتا» بسبب محمد حماقي

تحدث المطرب أكمل، عن سبب تركه شركة صوت الدلتا، موضحًا أن المنتج نصيف قوزمان أبلغه أن الشركة فضلت العمل مع الفنان محمد حماقي، بدًلا منه.

وقال أكمل، خلال لقائه مع الإعلامية إنجي هشام، في برنامج "المنسي" المذاع عبر شاشة قناة "هي": الشركة فجأة قررت مش هتكمل لأسباب مفهمتهاش، وقالولي خد العقد أنت كده كده عملت كل حاجة إحنا جينا في الآخر قفلنا كام أغنية، وأنا مكنتش فاهم لأني كنت صغير وناجح نجاح رهيب مكنش في أغنية بتنزل في الستنين مبتنجحش، ولو عامل ألبوم 11 أغنية الـ 11 أغنية بينجحوا.

سبب فسخ عقد أكمل مع شركة صوت الدلتا

وتابع: "الشركة قالتلي إن العقد بتاع محمد حماقي معانا، بينص على أنه يكون المغني الوحيد في الشركة، إحنا مش هنعرف نكمل معاك إنتاج، يا نضحي بـ حماقي يا نضحي بيك، وطبعًا حماقي كان نجم أكبر مني وأنا خدت عقدي ومشيت".

وأضاف: "أنا مش فاهم أنا جاي ناجح بالفعل وكنت فاكر أنهم هيمضوني عقد جديد لأن عقدي كان لسة فيه سنتين أو تلاتة، وده كان بداية المشاكل في حياتي، وبدأ يجيلي عروض ومش عارف أوافق على مين، واضطريت أخد أحسن عرض مش أحسن شركة ودي كانت غلطتي".

واستكمل: "أنا مبعتبرش حماقي السبب ولا الشركة، وكنت صغير ومسألتش حماقي ولا أي حاجة، والله أعلم إيه الكواليس اللي بينهم ومش عارف هو سبب ولا مش سبب".

تفاصيل برنامج المنسي

برنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساء، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

اقرأ أيضا: موعد عرض مسلسل شيكو رمضان 2024