دنيا سمير غانم: رامي رضوان أب وزوج مثالي بزيادة

كشفت الفنانة دنيا سمير غانم، عن تفاصيل علاقتها بزوجها الإعلامي رامي رضوان، والذي وصفته بالمثالي.

وقالت غانم خلال لقائها مع الإعلامي عمرو أديب في برنامج "بيج تايم بودكاست" المذاع عبر قناة MBC: "رامي أب مثالي وزوج مثالي بزيادة، عايز الحاجة مثالية وكاملة بزيادة، وأنا بحاول أخف الموضوع ده".

وتابعت: "هو عارف ظروف شغلي وحياتي وبصعب عليه أكتر في الحاجات اللي شايلاها، أنا طول الوقت بشتغل وبفكر في "كايلا" وبظبط حاجات في البيت، وبعد وفاة بابا وماما بقى عندنا مسئوليات أكتر أنا وإيمي كانوا شايلين حاجات كتير وناس كتير الحمد لله بقوا مسئولين مننا، هو بيساندني جدا وبيشجعني في شغلي وأنا بقدر دا فيه جدا".

واختتمت حديثها قائلة: "بخلي بالي منه ولو عنده شغل طول اليوم بعمله الأكل، بتفرج على البرنامج بتاعه لما بيكون مستضيف فنانين أما الحاجات السياسية أنا في الكنافة".

آخر أعمال دنيا سمير غانم

يذكر أن، دنيا سمير غانم غابت عن رمضان 2024، وكان آخر أعمالها مسلسل "جت سليمة" وعرض في رمضان 2023.

ودارت أحداث مسلسل "جت سليمة" في عالم خيالي فانتازي، وشاركها البطولة كل من محمد سلام وسامي مغاوري، هالة فاخر، خالد الصاوي، شيرين، محمد ثروت، غادة طلعت، مايان السيد وعدد آخر من ضيوف الشرف، تأليف كريم يوسف وسامح جمال، وإخراج إسلام خيرى وإنتاج أحمد السبكى.

اقرأ أيضا: بعد غياب 17 عاما.. وليد سعد يعود للغناء بـ «اللى فارق فارق»