«ليه كده».. نجوى إبراهيم تعاتب رامز جلال بسبب برنامجه الأخير

وجهت الإعلامية نجوى إبراهيم، عتابا للفنان رامز جلال بسبب كلمات تتر برنامجه رامز جاب من الآخر، والذي عرض في موسم رمضان 2024، وحقق نجاحًا كبيرًا.

وقالت إبراهيم، في برنامجها بيت العز، المذاع عبر محطة نجوم FM: أنا بحب أنزل أجيب الحاجات بتاعة البيت، ومن كام يوم نزلت أجيب حاجات ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو أن الولاد يقولوا كده، رمضان اللي جاي هتعلمنا إزاي نلطم؟ ياريت نخلي بالنا من الكلام.

وأضافت: كمان المسلسلات بيتقال ملغم وبيتحفظ، إحنا نخلي بالنا ونحاول أننا نتفرج على حاجات حلوة، مفيش مانع نتفرج على حاجات عنف شوية ولكن مش للدرجة اللي إحنا شُفناها.

برنامج "رامز جاب من الآخر"

وكان قد عرض برنامج "رامز جاب من الآخر" للنجم رامز جلال في رمضان 2024، وحقق نجاحا كبيرا حيث حصد نسبة مشاهدات عالية في جميع أنحاء الوطن العربي، والبرنامج ينتمي لنوعية برامج المقالب مع النجوم والمشاهير.

اقرأ أيضا:  نقابة الصحفيين تعقد اجتماعا عاجلا مع «المهن التمثيلية» بشأن أزمة جنازات الفنانين