نجوى إبراهيم: «بتأثر بدموع الرجل أكثر من دموع البيبي»
كتب: نسرين إبراهيم
كشفت الفنانة والإعلامية نجوى إبراهيم، عن الفرق بين دموع الرجل والمرأة من وجهة نظرها، مؤكدة أنها تتأثر كثيرا بدموع الرجل، وذلك في حلقة جديدة من برنامجها "بيت العز" الذي يذاع على نجوم FM.
وقالت نجوى إبراهيم: "بالنسبة ليا بتأثر من دموع الراجل.. لأنه صعب أوي على الراجل يعيط.. ومتأثرش بدموع البيبي لأنه بيعيط لسبب جعان أو عايز يغير أو في حاجة بتوجعه فاجري أشوفه ماله".
وأضافت: "أما الستات فالدموع عندها سلاح، حاجة بتستخدمها زي أحمر الشفايف أو العطر في شنطتها، هي عارفة هي هتعيط امتى وازاى".
وتابعت: انت كرجل وشاب وكل ما اخدت مرحلة أو منصب في الجواز مثلا زوج قديم أو اب، عيط حاول متضيعش الفرصة دي وعيط وفرغ الشحنة اللي جواك.. لما تلاقي فرصة تعيطوا شوية عيطوا لأنك بتفك عن نفسك وترتاتح".
واستكملت: "الدموع مش على الفاضي والمليان، ولازم يكون في طاقة وصبر مش كل حاجة عياط".
يعرض برنامج "بيت العز" يوم الخميس من كل أسبوع، من الساعة الواحدة إلى الثانية ظهرا.
اقرأ أيضا: بعد الخطوبة.. رامي عاشور يطرح «مش في بالى»: «تجربة حقيقية عشت أحداثها»
