بعد اتهام والده في وفاة أحمد رفعت.. مصطفى شوبير: عاوزينها أهلي وزمالك وتريند

علق مصطفى شوبير حارس مرمى الأهلي ونجل الإعلامي أحمد شوبير، على الاتهامات بشأن قضية اللاعب الراحل أحمد رفعت، قائلا: «اتهامات اتهامات وخوض في ذمم بدون علم ولا أي دليل انتوا مفرقتوش عن اللي ظلم رفعت في حاجة».

وأضاف مصطفى شوبير: دلوقتي بتتهموا ناس ظلم بأذى شخص دون أي دليل حتى دي عايزينها أهلي وزمالك وتريند أخو اللاعب طلع وقال اسألوا فلان وذکر اسم شخص. 

وتابع: وكيله كان قاعد وحصلت مواجهة بينه وبين الشخص اللى تم ذكر اسمه فين بقى اسم أحمد شوبير في جملة مفيدة؟ ولا أخو رفعت ولا وكيله ولا المحامي بتاعه قال حاجة أو ذكر اسمه حتى زي ما المفبركين بيكتبوا. 

وأكمل: التريند عمى الناس والاتهامات الباطلة أي حد بيكتب أي حاجة الناس للأسف بتصدقها وخلاص ويا ريت الناس اللي بتكتب ده درس لينا تبدأ بنفسها الأول ومتظلمش حد تاني باتهامات باطلة بدون أي دليل لأن كده أنت أول واحد متعلمش من اللي حصل وبتعيد الظلم بس بطريقة تانية استقيموا يرحمكم الله.

واختتم: وسيبكم من التريند كلنا لله راجعون.. أخيرا ربنا يرحمك يا رفعت أكيد أنت في مكان أحسن لا تنسوه من صالح دعائكم.