سعد الصغير لأهالي الإسكندرية: أي حد يتيم عليه إيجار متأخر أنا تحت أمركم

أعلن الفنان سعد الصغير مساعدته للأيتام في محافظة الإسكندرية، مؤكدا أنه سوف يوزع بعض الأموال على الأهالي والمحتاجين، وسيتبع هذا النظام مع باقي محافظات مصر لمساعدة أكبر قدر من المحتاجين.

وقال سعد الصغير في لايف له عبر حسابه الشخصي بموقع التواصل الاجتماعي "فيسبوك": أي مطرب الناس ليها فضل عليه وإحنا من غير الجمهور ولا حاجة، واحد صاحبي مديني فلوس أوزعهم على أي حد من الأيتام، يكون عليه إيجار متأخر، إحنا تحت أمركم ودي فلوس حد مديهوملي أوزعهم لله.. ورسالة للأمهات اللي بيربوا أيتام كلموني إحنا موجودين في إسكندرية لـ 8 بالليل، أي حد عليه إيجار متأخر يكلمني.

وفي سياق آخر، سبق كشفت رانيا صالح، طليقة سعد الصغير تفاصيل الخلاف الأخير بينهما، بعد وقوع الطلاق، حيث قالت: فوجئت أنه متزوج من سيدة أخرى وعلى الفور طلبت الطلاق منه، زوجته جت تحت بيتي وقعدت تشتم ومكنتش أعرف إنه متجوز غيري، وطلبت منه الطلاق ورفض في الأول لكنه وافق بعدين واتطلقنا، وبعد 3 شهور مكانش في بينا أي تواصل، لكن اتفاجئت إنه كلم والدتي وقالها إنه عايز يرجع لي.

وأوضحت طليقة سعد الصغير أنها فوجئت به في بث مباشر يسبها فيه، وأنه خاض في شرفها، حيث قالت: طلع في فيديو وخاض في شرفي علشان يشوه سمعتي، وقال إني شغالة رقاصة، وقال للناس أنا هحبسها وهددني.