«11 سنة».. بشرى ساخرة من فارق السن بينها وبين زوجها الجديد: ليه شايفني ميمي شكيب!
كتب: نسرين إبراهيم
علقت الفنانة بشرى ساخرة التعليقات حول فارق السن بينها وبين زوجها خالد حميدة، بعد الاحتفال بزواجها.
وقالت بشرى عن أكثر تعليق لفت نظرها، وذلك خلال لقاء لها ببرنامج "حد النجوم" مع الإعلامية إيمان الحصري، عبر قناة dmc: "شفت تعليق موتني من الضحك قال الفرق 11 سنة بيني وبين عريسي ليه إن شاء الله هما شايفني زوزو شكيب ولا ميمي شكيب، يعني جبتوا الفرق دا منين أصلا لا شكلا باين ولا حتى موضوعا حتى الواقع مش كده تقريبا قد بعض حتى لو في فرق سنة ولا سنتين دا ولا حاجة ما أنا زيجتي اللي فاتت كان في فرق سنة بيني وبين زوجي".
وعن فكرة الفارق العمري بين الزوجين قالت بشرى: "مش بيرفق معايا يعني إيه أصلا دي تفاصيل في منتهى السطحية وبتضحكني جدا وأنا واخدة الدنيا بسخرية وبشوف الناس فيلم كرتون كبير فبالنسبالي لا أتوقف عند هذه التعليقات وكل واحد يخليه في حاله وأنا بالنسبة ليا العروسة للعريس والجري للمتاعيس".
كما كشفت بشرى عن رد فعل زوجها بعد انتشار صور زفافهما وحديث الجمهور عنهما وقالت: "هو اتخض وجه يقولي إيه دا كله؟ قلت له عشان تقدر أنا إزاي بتعب إنك تكون في مجال زي ده وتحت الأضواء وتجامل وترحب بكل الناس دا موضوع مش سهل كل شوية يسألني هو دا عادي كده".
وعن التعليقات السلبية التي كتبت لها قالت بشرى: "في تعليقات متوقعة من قبل ما تتكتب بس أنا مش بتأثر فيا الحاجات دي بالنسبة ليا الإنسان عنده اختيار أنه يشوف اللي عايز يشوفه ويبص على الزاوية المضيئة، أنا بطلت أبص على التعليقات، في ناس كلموا أبو الأولاد بس الحمد لله أنا أبو ولادي راجل محترم جدا وإنسان عاقل ورزين والحمد لله هو أول واحد بيكبسهم وببعت له كل التحية والشكر".
واحتفلت بشرى بزواجها في 31 يوليو الماضي، وأقامت حفلا في الساحل الشمالي وحضره عدد كبير من النجوم.
اقرأ أيضا: بدء التحقيق ببلاغ يتهم الفنانة سمية الألفي بالتسبب في حريق شقة بالجيزة
View this post on Instagram
