حسين الشحات عن أزمته مع «الشيبي»: أتمنى ربنا يسامحني
كتب: محمود جودة
تحدث حسين الشحات نجم النادي الأهلي عن أزمته مع محمد الشيبي لاعب فريق بيراميدز، خلال الأشهر الماضية، بعد وصول الأزمة إلى القضاء والحكم على الشحات.
حسين الشحات
وقال حسين الشحات عبر برنامج "الكورة مع فايق": "بيني وبين نفسي قعدت 10 أيام ما أنامش ولومت نفسي بعد القلم، ولما روحت البيت وشوفت الموقف عاتبت نفسي".
وأضاف: "أنا اعتذرتله مرة واتنين وثلاثة ولأهله وأكيد هو متأثر نفسيا.. وأنا بعتذرله على المستوى النفسي وأتمنى ربنا يسامحني".
وحول مشادته مع الشيبي خلال مباراة الأهلي وبيراميدز الأخيرة في الموسم الحالي للدوري قال حسين الشحات: "دخلة الشيبي كانت مؤذية مش داخل يلعب على الكورة وقولت لأحمد الشناوي كده وهو جاي يتخانق معايا".
وتابع: "قولت للشيبي مش علشان بيني وبينك مشكلة تبقى عايز تبطلني كورة.. معرفش الرد بتاعه كان إيه الصراحة".
