بعد احترافها الغناء... مروة صبري تهاجم رانيا يوسف: صوتك وحش... مين أقنعك تغني؟

انتقدت الإعلامية مروة صبري، اتجاه الفنانة رانيا يوسف للغناء وطرحها أول أغنياتها بعنوان "ليك".

وقالت مروة صبري خلال مقدمة برنامجها "قعدة ستات: "رانيا يوسف طلعت علينا بفيديو كليب، ليه بتغني مين أقنعك وقالك إن صوتك حلو، إنتي فنانة وممثلة شاطرة ولكن صوتك حلو لأ صوتك وحش، بتعملي استعراضات؟ اعتقد الجمهور مش مطلوب منه يشوف حاجة هو مش عايز يشوفها".

وتابعت مروة صبري لترد على أي شخص قد يقول لها أن عليها عدم مشاهدة الأغنية إذا لم تعجبها: "في حد بيتفرج عليا في قمة الاحترام يقولي حضرتك متتفرجيش، لأ إحنا بقينا مجبرين دلوقتي السوشيال ميديا مبقاش فيه متتفرجيش، السوشيال ميديا إحنا قاعدين بنقلب على فيسبوك ولا تيك توك ولا إنستجرام كل الحاجات دي بتطلع لنا، إذا إحنا الجمهور بيجيله اكتئاب، أنتم برضو إرحموا الجمهور، أنا مذيعة أه بس واحدة من الجمهور بتفرج، بتغني ليه مين أقنعك وضحك عليكي ووقعك في الفخ دا وقالك خشي غني".

رانيا يوسف تقتحم عالم الغناء

وطرحت رانيا يوسف عبر قناة "لايف ستايلز ستوديوز" بموقع يوتيوب ومنصة أنغامي أول أعمالها الغنائية بعنوان "ليك" بطريقة الفيديو كليب.

أغنية "ليك" من كلمات سمير طارق، وألحان محمد مصطفى، وتوزيع تيام طارق، والكليب من إخراج بتول عرفة.