مروة عبد المنعم: رافضة سني ومش عاجبة ولادي ومش علشان مش محجبة أبقى كافرة
كتب: نسرين إبراهيم
كشفت الفنانة مروة عبد المنعم، عن أسرار حياتها الخاصة، وتحدثت عن قناعاتها الخاصة وعلاقتها بأولادها وأهلها بشكل عام وذلك من خلال لقاء تلفزيوني جديد لها.
ونستعرض خلال السطور التالية، أبرز تصريحات مروة عبد المنعم المثيرة، خلال الحلقة والتي تحدثت فيها في أمور عديدة.
-رافضة فكرة سني وإني بقيت ماما لا أنا طفلة من جوايا لسه.
-اتهمت أهلي في فترة إنهم عيشوني في عزلة عن الناس والحياة طلعت شرسة واتبهدلت كتير لحد ما عرفت أتعامل.
-انهارت وقت وفاة والدي وجالي أزمة نفسية كبيرة وعندي فوبيا من الموت وولادي مش هيحبوني زي أمي وأبويا.
-أنا دلوقتي مش عاجبة ولادي وبشوف إنهم مش مقدرني وبحملهم ذنب إني قاعدة لوحدي.
-التيك توك كان سبب في إن الجيل الجديد عرفني وكان لازم أدخل لايفات التيك توك.
-لازم الفنان يطلع كل يوم عشان الجمهور يفتكره.
-أنا مبسوطة إني حقيقية وسط عالم مزيف وإني مغيرتش في شكلي خالص والناس كلها بقت شبه بعض.
-مغرتنيش الكاميرا والشهرة وأنا بحب الفن من أجل الفن.
-الجمهور فاهم إني عشان طلعت على الكاميرا يبقى معايا فلوس كتير وده مش حقيقي وعندنا أقساط.
-بيطلبوني في تكريم جامعات ومش بروح عشان بيكون حِمل عليا التصوير مع كل الطلاب.
-أنا مؤمنة بالحجاب لكن يوم ما هنزل القبر هتسأل على الصلاة مش الحجاب.
-مش علشان مش محجبة أبقى كافرة ومعرفش ودي ثقافة بشعة وفاهمين الدين غلط.
