"مش بتاع ستات".. منة شلبي تكشف عن مواصفات شريك حياتها المستقبلي

كشفت النجمة منة شلبي عن مواصفات شريك حياتها المستقبلي، خلال حلولها ضيفة على برنامج "بيت السعد" الذي يقدمه النجمين عمرو سعد وأحمد سعد.

قالت منة شلبي: "أنا ممكن أقول أنا مش عايزة إيه، مش عايزة حد دمه تقيل، دي مستحيلة، دي مقدرش، لو إيه مقدرش، مدعي، يا ساتر يارب، بوشين! دي بقى اللي صعبة شوية، اللي هقولها دي صعبة خالص، مش بتاع ستات"، ليرد عليها عمرو سعد ممازحا: "مش أحمد يعني".

وتابعت منة شلبي: "أنا بحب أبويا جدا وفي عيد ميلاده كتبتله أنا بشكر ربنا وبشكر ماما أنها اختارتك وبقيت أبويا لأنه أنت عمرك ما ضغطت عليا وطول عمرك شخص محترم وأصيل، ولو اتقدملي واحد شبه أبويا هتردد سيكا عشان بابا كان مزواج".

أحدث أعمال منة شلبي 

من ناحية أخرى، تنتظر منة شلبي عرض فيلمها الجديد "أهل الهوى"، ويشارك في بطولته أحمد داود وجيهان الشماشرجي، والذي انتهى تصويره منذ فترة، ومن المقرر تحديد الموعد النهائي لعرضه قريبًا، وينتمي إلى نوعية الأعمال الاجتماعية الرومانسية.