إيمي سمير غانم عن والديها الراحلين: التفكير فيهم مش بيهدى.. وفراقهم صعب عليا

وجهت الفنانة إيمي سمير غانم رسالة مؤثرة لوالديها الراحلين الفنان سمير غانم والفنانة دلال عبد العزيز عبرت من خلالها عن اشتياقها الكبير لهما.

ونشرت إيمي سمير غانم عبر حسابها على إنستجرام صورة لدلال عبد العزيز وسمير غانم وكتبت: "كل شوية أقول أمتى أشوفكم، بجد الفراق فعلا من أصعب الحاجات اللي بنحس بيها، ربنا يصبر كل اللي حاسس بيا، بكون عايزه أحكي لهم بشوف إيه في حياتي ومين مزعلني ويشوفوا ابني، تفاصيل كتير وطبعا الحياة لازم تستمر والكلام اللي إنتوا عارفينوا ده، ونشتغل ونربي أولادنا ونضحك نعيش أيامنا بس التفكير فيهم مش بيهدى".

وتابعت إيمي سمير غانم لتوجه نصيحة لجمهورها: "نصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم، مش مهم الأصحاب مش مهم السفر مش مهم غير أنهم يكونوا هما وأولادكم كل يوم معاكم، وربنا يصبر كل الناس… الفاتحة وربنا يغفر لهم ويجمعنا بيهم في الجنة".

إيمي سمير غانم تستعد لمسلسل جديد مع حسن الرداد 

على جانب آخر، تعود إيمي سمير غانم لجمهورها بمسلسل جديد تشارك به في رمضان 2025 ووتعاون فيه مع زوجها الفنان حسن الرداد، والمسلسل مكون من 15 حلقة وهو من تأليف أحمد سعد والي.