أحمد فهمي: سرقت علم المدرسة علشان أروح به ماتش الأهلي.. واترفدت بعد التحقيق معايا

حكى الفنان أحمد فهمي عن كونه طالبًا مشاغبًا في مرحلة الثانوية، مستشهدًا بموقف تسبب في رفده لعدة أيام.

قال أحمد قهمي: "كنت بحب الكورة قوي فكنت في كل ماتشات الأهلي وكل ماتشات المنتخب، وكان عاجبني قوي علم المدرسة وكان مختوم بقى وجاي من الوزارة، كنت هموت وأسرقه، كنت بروح الاستاد مش معايا فلوس والعيال عاملة أعلام حلوة، فدة كان جاهز وكل حاجة مصبوطة والنسر حلو لانه جاي من الوزارة".

وتابع أحمد فهمي: "كان وقتها ماتش مصر والمغرب لتصفيات كأس العالم، سرقت العلم وقعدت هربان أسبوعين وبعدها عرفوا وجابوا محقق من وزارة التربية والتعليم والموضوع كبر جدًا واترفدت شوية وخلاص".

وكشف أيضًا الممثل انه كان يتم استدعاء ولي أمره تقريبًا يوميًا، ورغم ذلك كان طالبًا مجتهدًا ونتيجته في الثانوية كانت 97%.

كان آخر عمل لأحمد فهمي فيلم "عصابة المكس من بطولة لبلبة وروبي وأوس أوس ومحمد لطفي ومن إخراج حسام سليمان.