نرمين ماهر: أنا مع عمليات التجميل في سن معين لكن متغيرش خلقة ربنا
كتب: مؤمن نصر
كشفت الفنانة الشابة نرمين ماهر عن سبب اختفائها الفترة الأخيرة، وعن أحدث أعمالها الفترة القادمة ورأيها في عمليات التجميل وذلك من خلال لقائها مع منصة one take.
وقالت:" أنا مع عمليات التجميل لكن في سن معين والأهم مغيرش خلقة ربنا لكن بميل أحتر للحاجات الطبيعية أو أدوات تجميل أنا واثقة من مصدرها ، مش اي حاجه اجربها على بشرتي ده مش صح".
وعن سبب اختفائها الفترة الأخيرة قالت:" أنا اختفيت عشان خلفت بنوته وكنت مشغولة معاها، وحالياً بصور الجزء الثاني من فيلم "مالك صلاح " وهو فيلم خليجي ويشارك في بطولة مجموعة من النجوم العرب".
وأضافت:" أنا تعاملت مع نجوم مصريين وعرب والاتنين مبسوطة بالتعاون معاهم كل حد ليه شغله وطريقته التجربتين إضافة قوية لأي حد، طول عمرنا المصريين ليشاركوا في أعمال عربية والنجوم العرب تشارك في أعمال مصرية ".
وتابعت:" الفنانة عبلة كامل من أجمل الناس اللي اشتغلت معاهم ووقت تصوير مسلسل سلسال الدم كان بتوقف التصوير وتروح تصلي وبقولها وحشتينا جدا ويارب ترجعي على الشاشة من تاني".
وتحدثت أيضاً خلال اللقاء عن وجود بعد المشاهير على التيك توك وقالت:" منصة التيك توك الكل بقي بيستخدمها دلوقتي عشان بتحقق مشاهدات اكتر، وأنا مع أي حد بيطلع يقدم حاجه محترمه ويحترم بيها الناس وضد الأڤورة".
وتابعت حديثها:" لكن بلاش نهاجم حد ولا نغلط في حد لأن كلنا عندنا ظروف ومشاكل، والهجوم على مها أحمد كان قوي وهي طيبة وغلبانة لكن ظروفها حكمت للاسف فخلينا نكون متهاونين على بعض".
ويذكر أن آخر أعمال نرمين ماهر هو فيلم "مالك صلاح " الجزء الاول وهو فيلم إماراتي خليجي مصري مشترك، سيناريو وحوار شريف عادل، وبطولة إبراهيم المريسي، ويحيى إبراهيم، وأحمد خشبة، ومصطفى بسيط، ونيرمين ماهر،الفيلم تدور قصته في إطار اجتماعي كوميدي.
اقرأ أيضاً: الخميس.. عادل حمودة يكشف أسرار حياة أحمد زكي في «معكم منى الشاذلي»
