أحمد موسى: في ناس بقت ماشية بالهيصة وراكبة التريند
كتب: سماح غنيم
تحدث الإعلامي أحمد موسى، عن شهداء الجيش والشرطة خلال تقديم برنامجه على مسئوليتي، المذاع على قناة صدى البلد، قائلا: الشهيد من يدافع عن أرض مصر وأبنائها وشعبها، وغير كده ناس ماشية في الهيصة وراكبة تريند.
وأضاف موسى: إسرائيل كانت وستظل هي العدو لمصر، ألاقي واحد عامل نفسه سياسي ولا ليه علاقة بالسياسة وواحد طالع يناضل، طيب بلدكم فين، وفين حقوق شهداء بلدكم.
وتابع: مين فجّر الأكمنة وقتل أبو شقرة والحوفي ومحمد وحيد ومحمد مبروك، نسيتوا مين قتل دول وبوصلتكوا راحت فين، مين قتل الشهداء إيه اللي جرالكم قولوا لنا.
واستطرد: خلوا بالكم يا جماعة، أنا طول عمري ضد الميليشيات في الكرة الأرضية، وندعم المقاومة في الدفاع عن بلادهم وتحريرها، ولكن اللي يعمل حاجة على أرض مصر بالنسبالي إرهابي.
وأكمل: يجب التفرقة بين من اقتحم البلد والحدود وقتل شهداء الجيش والشرطة والمدنيين، ومتنسوش الإرهاب عمل إيه في مصر ولا اقتحام الحدود والسجون ومين عمل إيه في ميدان التحرير.
واختتم: في ناس مترحمتش على شهداء مصر الأبطال اللي دافعوا عنهم، ودلوقتي شغال ليهم يومين يكتبوا، بس دخلت شتمتهم على المواقع بتاعتهم على تويتر، لازم تراعوا مشاعر أسر شهداء المصريين وتشيلوهم على راسكم، وهذا من حق بلدنا وشهدائنا علينا، والرئيس في كل مرة يتحدث يوجه السلام للشهداء.
