«هلاحقها إلى النهاية».. عمرو أديب يهاجم طبيبة النساء والتوليد وسام شعيب (فيديو)
كتب: متابعات
تصدرت الدكتورة وسام شعيب، طبيبة النساء والتوليد، التريند خلال الساعات الماضية، بعد نشرها مقطع فيديو تتحدث فيه عن مصادفتها لأكثر من حالة حمل سفاح.
عمرو أديب يعلق على مقطع الفيديو
وعلق الإعلامي عمرو أديب، على واقعة فيديو طبيبة النساء والتوليد وسام شعيب، بعد خروجها في مقطع فيديو تتحدث فيه عن أسرار بعض المرضى.
وهاجم «أديب»، خلال برنامجه «الحكاية» عبر شاشة «mbc مصر»، مساء الإثنين، طبيبة كفر الدوار، داعيًا إلى اتخاذ أقصى العقوبات القانونية بحقها.
وقال: «دي مصر ودول ستات مصر، هو انتي مصرية؟ إزاي دكتورة؟ فين القسم؟ فين النخوة؟ فين الوطنية؟ فين الإسلام؟ فين الستر؟ اوعوا تأخذكم بها أي رحمة، لو محدش ناوي يلاحقها إلى النهاية أنا هلاحقها إلى النهاية، بتعمل إعلان على جسد المصريات».
وأوضح: «لو عايز تحط عنوان للفيديو ده ممكن تحط عنوان: مغامرات طبيبة شابة في مجتمع منحل، ده إعلان على جسد المرضى، عشان تبقى مشهورة عشان نعملها لايك وشير، دي لازم تتشطب، هي عار على أطباء وطبيبات مصر العظمات، عندنا بشوات وهوانم في الطب».
وأضاف: «لازم تكون عبرة لمن يعتبر، أي مجتمع في الدنيا في حمل سفاح وغيره، ده موجود وبنشوفه، بس دي مش البلد، في ناس بتقتل وتشم كوكاين بس دي مش البلد، دي بلد الناس الشقيانة والتعبانة، واللي بتنزل تشتغل من 6 الصبح لعشرة بالليل».
وتابع : «اسمعي مجدي يعقوب بيقول إيه؟! عن الشخصيات العالمية اللي بتجليه تتعالج في المستشفى، ولا حد يعرف إيه الحكاية وايه الموضوع.. الناس بقى عندها هوس وجنان بالسوشيال ميديا، لازم تبقى عبرة، عشان أي حد يفكر يعمل دعاية على جسد المرضى».
وأكمل «أديب»: «لا تتركوها... مش يومين وتنسوا، لازم تشرب من السم اللي نشرته، لازم تتجرعه أدام المجتمع كله، ربنا مش هيسيبها».
عمرو أديب عن فيديو طبيبة النسا: النيابة لازم تتحرك ودي لازم تتشطب وتبقى عبرة.. مش هسيبها ووراها للآخر.. الناس اتجننت بالترند
— MBC مصر (@mbcmasr) November 11, 2024
شاهدوا #الحكاية على #MBCMASR من الجمعة إلى الاثنين 10م بتوقيت القاهرة من هنا https://t.co/StD4kGX5VV pic.twitter.com/NGpnSHWFmm
