إمام عاشور يكشف تفاصيل انتقاله من الزمالك إلى ميتلاند وعودته إلى الأهلي

كشف إمام عاشور، لاعب النادي الأهلي ومنتخب مصر، عن تفاصيل انتقاله من نادي الزمالك إلى نادي ميتلاند الدنماركي، ومن ثم عودته إلى مصر وانتقاله إلى النادي الأهلي.

وقال "عاشور" خلال لقائه مع الإعلامي أحمد شوبير، في برنامج "حارس الأهلي"، المذاع عبر قناة "الأهلي": "ده كلام ربنا هيحاسبني عليه، أنا مكنتش عارف حاجة عن عرض ميتلاند وعرفت فجأة، وكان جايلي كذا عرض من أندية أوروبية.. بعد كده أنا كنت عارف إني مش همشي ولما جدتت قالوا لي العقد متوثقش".

وأضاف: "آخر يوم في القيد كلموني في النادي وقالوا تعالى دلوقتي رحت وقالوا لي أنت هتمشي، لقيت العقود جاهزة ورحت مضيت بس، وعملت اللقاء اللي قولت فيه إني هرجع الزمالك تاني".

إمام عاشور: أي حد يتمنى يلعب في الأهلي

أشار: "رحت ميتلاند وكانت خطوة أنا زعلان عليها بس ربنا بيعوض أنا حاليا في أحسن نادي في إفريقيا وأي حد يتمنى يلعب في الأهلي، أنا معرفتش اتأقلم على الأجواء هناك لحد ما جت الإصابة وأنا ساعتها كنت مقرر إني هرجع".

تابع: "لما رجعت قالوا أمير توفيق عايز يطمن عليك كلمني وأطمن عليا ومقاليش حاجة بخصوص الأهلي وكلمت الناس في نادي الزمالك، وقولت لهم عايز أرجع، رجعت وفضلت في النادي شهر ونص محدش بيسأل فيا، لحد ما مسؤول في الزمالك قالي أدفع أنت الفلوس وكلمت كباتن الزمالك ومحدش كان بيرد عليا".

أردف: "أمير توفيق كلمني بعدها، ومفيش حد في مصر، هيجي له النادي الأهلي ويرفضه، وأنا لما ملقتش تقدير من نادي الزمالك قفلت الموضوع، الراجل أتكلم معايا بكل احترام وخلصنا الموضوع".