عايدة غنيم تثير الجدل: الأسد في "التيك توك" بـ150 دولار.. لو عندك التزامات هتكبس معانا
كتب: نسرين إبراهيم
أثارت الممثلة عايدة غنيم، جدلا واسعا بعد حديثها عن ظهورها على "التيك توك"، مؤكدة أن الالتزامات هي السبب وراء اتجاهها لتلك المنصة في ظل قلة الأعمال المعروضة عليها، وذلك أثناء ظهورها ببرنامج "قعدة ستات"، الذي تقدمه الإعلامية مروة صبري.
كما كشفت عايدة غنيم عن القيمة السعرية لهدية الأسد في "التيك توك": "الحمد لله يا مروة، ربنا يوفقك في حياتك، لو أنتي مش بتشتغلي وعندك التزاماتك، أراهنك هتيجي تقعدي معانا وهتكبسي". لترد مروة قائلة: "عمري ما هادخل أكبس، يشهد عليا التاريخ والناس مع احترامي لكل الناس اللي على التيك توك، ولا عمري هطلب أسد ولا دعم".
ثم وجهت مروة سؤالًا لعايدة قائلة: "هو الأسد بكام يا عايدة؟"، لترد الأخيرة: "بـ 150 دولار، والمفروض ناخد الـ 150 صافي لكن هو بيتشحن بأكثر من كده.
وأضافت أنها غير سعيدة بابتعادها عن التمثيل ووجودها على التيك توك، قائلة:"مش مبسوطة من وجودي على التيك توك أكيد لأن دي مش شغلتي ولكن مش ضد التيك توك ولا بقلل من الناس اللي فيه وأنا علىه مش بعمل حاجة تهني أو تقل مني خالص بس مش مبسوطة لأن شغلتي ممثلة وبالنسبة لي مصدر دخل وبديل إن الناس تشوفني وأنا موجودة".
View this post on Instagram
View this post on Instagram
