«خدت أكثر من 5 آلاف دولار».. نهال عنبر تكشف أجرها في برنامج رامز جلال
كتب: أمنية مدحت
علقت الفنانة نهال عنبر، على وقوعها ضحية في أحد مقالب رامز جلال، مشيرة إلى أنها لم تعلم بذلك.
نهال عنبر تكشف عن أجرها مع رامز جلال
وقالت نهال عنبر، خلال حلولها ضيفة مع الإعلامي نزار الفارس: "أجري مع رامز جلال مكنش كبير، لأن أنا مكنتش عارفة فماتفقتش على الرقم اللي المفرض اتفق عليه، أنا قولت لهم بس خلاص الموضوع خلص، مابحبش أوي اتكلم في الفلوس، أنا بعلق بس، قولت لهم لو أعرف هيبقى رقم تاني غير الرقم دا، دا رقم برنامج عادي".
وتابعت نهال عنبر: "حسام ابني كان معايا، وقالي الرقم بتاع رامز غير كده خالص، أحنا الأجر اللي خدناه على إنه برنامج عادي، لأن هو فيه مخاطرة، أنا وأنت قاعدين كده، غير بقى لما تبقى في شقلبظات ويمخمضوني في الغسالة، دا لولا إن أنا رياضية".
وعن الرقم تحديدا، قالت نهال عنبر: "أكثر من 5 آلاف دولار، ومش هقول كم، بيدوا أكتر".
وكانت نهال عنبر وقعت في مقلب "رامز نيفر إند" الذي قدمه رامز جلال في رمضان 2023
