"كله هيتفضح".. هالة صدقي توجه رسالة غامضة: بيحاولوا إلصاق تهم غير حقيقية بيا لأني شاهدة في قضية عمر زهران
كتب: نسرين إبراهيم
علقت الفنانة هالة صدقي من جديد على قضية المخرج عمر زهران، بعد الحكم عليه بحبس عاما بتهمة سرقة مجوهرات الفنانة التشكيلية شاليمار الشربتلي زوجة المخرج خالد يوسف.
ونفت هالة صدقي، علاقة المخرج عمر زهران بصفحة منسوبة إليه تحمل اسمه وتعمل على إدانته، من خلال حسابها على "إنستجرام"، قائلة: "صفحة عمر زهران دي علي الفيسبوك مش بتاعته وغير حقيقيه وبينزل عليها كل حاجه تدين عمر وتثبت عليه تهمة غير حقيقية وتلميحات عليه أنا طبعا لأني الشاهدة مع عمر ومن الغرائب والعجائب إنه بعد ما اتهكرت كل حساباتي وانسحبت من علي الواتس كل رسايل عمر ليه علشان يا عيني يرضيهم فتنزل الرسالة دي علي صفحته المزوره وموبايلات عمر أصلا لسه محجوزة في النيابة لغاية دلوقتي تفتكروا مين الناس القذره اللي ليها مصلحة تعمل كده مشكاح وريما ولا بندق وعم دهب إيه الغباء ده؟".
وأضافت: "معقوله غروركم وصل انكم تستغبوا الناس للدرجة دي الجزء التاني بلاغ في فرنسا لفتح تحقيق عظيم هناك وسنواليكم بالأحداث، هكروا يا قلبي هكروا، وليه تروحوا دبي ما في في مصر أسامه ولا ما عرفش ييهكر غير صفحه الفيسبوك بس".
وتابعت: "سنة وتكون سودة عليكم علي قد سواد قلوبكم، عمر برئ مشكلته انه صاحب ناس وفرض ناس عليه زباله اسفه اني بعرض مشكله شخصيه بس من حقكم تعرفوا كل حاجه وخصوصا ان بعض السفله بيعتمدوا ينشروا علي بعض الصفحات المأجوره اخبار غير حقيقيه لمجرد التشهير ونسبوا ان تاريخي مع جمهوري طويل وناصع غير ملوث بقضايا ملوثه سواء في مصر او فرنسا او ايطاليا مثلا.. كله هيتفضح بعون الله".
View this post on Instagram
