أحمد حلمي عن مشاركته في "ضي": مخدتش فلوس عن الفيلم وبعتبره إضافة ليا
كتب: نسرين إبراهيم
تحدث الفنان أحمد حلمي عن مشاركته في فيلم "ضي" كضيف شرف، معبرا عن فخره الشديد بهذه ومؤكدا أنه لم يتلقى أي أجر مادي عن العمل.
وقال أحمد حلمي في لقاء مع سينماتك: "أنا مؤمن إن في الدنيا دي في حاجات بتناديلك، والكلمة اللي كنت بسمعها طول الوقت لما قلت هعمل المشهدين أو تلاتة دول وكأن الفيلم هيتضاف له حاجة، طول الوقت بيقولولي كده وأنا طول الوقت بقولهم مش كده".
وتابع: "طول الوقت بقولهم إن الفيلم هو اللي هيضيف لي أنا حاجة، وقد كان، النهاردة أنا واقف في برلين بفيلم مصري، وسعيد جدا وفخور، أحيانا ممكن تطلع مشهد واحد يوازي 10 أفلام، أنا النهاردة موصفلكش مدى سعادتي بالدور الصغير اللي أنا عملته في الفيلم ده، وإن أنا كنت جزء ولو بسيط في هذا العمل الرائع، الناس رحبت أوي بالفيلم، أنا كنت مذهول برد الفعل".
استكمل: "الأول أنا مخدتش فلوس في الفيلم، والحاجات بتناديلك أنا كنت معجب بالدور، ولما جالي كنت شغال فقولت مش هعمله لغاية ما تلف الأيام ويخلصوا تقريبا تصوير ما عدا المشهدين دول، فبسأل عليهم بالصدفة قالولي لسه ماتعملوش، فشبطت فيهم، هذا الفيلم إضافة ليا وأنا فخور حتى لو كانوا كام جملة إن أنا اشتغل معاكم".
تفاصيل فيلم "ضى"
يخوض صناع فيلم "ضي" (سيرة أهل الضي) رحلة جديدة في العاصمة الألمانية، وذلك بمشاركة الفيلم في مسابقة "أجيال" داخل مهرجان برلين السينمائي الدولي في دورته 75، ويعرض الفيلم في خمسة عروض، أولها يوم 19 نوفمبر 2025.
ويحكي فيلم "ضي" قصة مراهق ألبينو (عدو الشمس) نوبي، في رحلة ساحرة من جنوب مصر إلى شمالها مع عائلته المفككة ومدرسة الموسيقى الخاصة به، وصوته الساحر من أجل تحقيق حلمه.
فيلم "ضي" يعيد للشاشة السينما المصرية الحاضنة للمواهب على اختلاف جنسياتها، فهم من بطولة الممثلة السعودية أسيل عمران، والممثلة السودانية إسلام مبارك، بالإضافة إلى العديد المصريين حنين سعيد وبدر محمد، وهو من تأليف هيثم دبور، وإخراج كريم الشناوي، وإنتاج أحمد يوسف وهيثم دبور وكريم الشناوي.
View this post on Instagram
