حنان مطاوع عن لحظة تلقيها خبر وفاة والدها: «كنت بدعي ربنا يشفيه وهو متوفى»
كتب: نسرين إبراهيم
كشفت الفنانة حنان مطاوع عن تفاصيل صعبة عاشتها خلال اللحظات الأخيرة في حياة والدها، الفنان الراحل كرم مطاوع، مشيرة إلى أن الصدمة كانت أقوى من قدرتها على الاستيعاب، خاصةً في سن مبكرة.
و قالت حنان في حوار خاص مع منصة «Gossips»: "كنت كل يوم بروح المستشفى، وبشوف حالته بتسوء عن اليوم اللي قبله... كان نفسي أتكلم معاه أكتر وأسمعه، لكن اللحظة جات أسرع من كل توقعاتي، ومكنتش مستوعبة أنه رحل".
وتابعت حديثها قائلة: "أول مرة ابن عمي يكلمني في البيت، وقالي عمو كرم عايز يشوفك، سألته على طول: عايز يشوفني ولا حصل حاجة؟ كانت في دماغي سيناريوهات كتير، هل هلحق أشوفه؟ هل هقوله إني بحبه قبل ما يفوت الأوان؟".
واسترجعت حنان تفاصيل ذهابها إلى المستشفى، قائلة: "أول ما وصلت لقيت الدنيا مقلوبة، وصحفيين في كل مكان... كنت في حالة صدمة تامة، بدعي له بالشفا وهو قدامي متوفي، ومش قادرة أفتكر حتى آيات القرآن اللي حافظاها".
واختتمت الفنانة حديثها بتأكيد صعوبة التجربة، مضيفة: "مكنتش فاهمة أي حاجة، ولا مستوعبة اللي بيحصل حواليا... كنت وقتها عندي 17 سنة، واللحظة كانت أكبر من قدرتي على التحمل".
View this post on Instagram
