بعد إصابتها بـ«حساسية في الدم».. ملك أحمد زاهر لجمهورها: «بقيت أحسن وده بفضل ربنا ودعاوتكم»

حرصت الفنانة ملك أحمد زاهر، على طمأنة جمهورها على حالتها الصحية بعد تعرضها لوعكة صحية خلال الفترة الماضية والتي استدعت دخولها إلى المستشفى، بسبب «حساسية في الدم».

ملك أحمد زاهر تطمئن جمهورها

ونشرت «ملك» مقطع فيديو عبر «إنستجرام» وكتبت :«والله ما عارفة اقول ايه على كل الحب ده والدعا انا بحبكم اوي اوي انتو احلي حاجة في الدنيا انا عايزة اطمنكم انا الحمد الله بقيت احسن وده بفضل ربنا ودعاوتكم شكرا عشان والله انا إلى حصل ده رغم انه كان صعب عليا وعلى اهلي جدا بس عرفني غلاوتي عند إلى حواليا وعندكم من قلبي بحبكم قوي قوي».

وأضافت :«ده فيديو من مليون فيديو وصور ودعا اسفة لو مش عارفة انزل كل حاجة بس شكرا اوي اوي بحبكم».

تفاصيل تعرض ملك أحمد زاهر لوعكة صحية

وكانت الفنانة ملك أحمد زاهر كشفت تفاصيل الوعكة الصحية التي تعرضت لها خلال الأيام الماضية، مشيرة إلى أن الأعراض التي عانت منها تم تشخيصها لاحقًا على أنها «حساسية في الدم».

وقالت في منشور لها عبر خاصية «الإستوري» بحسابها الرسمي بموقع الصور والفيديو «إنستجرام»:«أنا والله ما كنت متوقعة كل اللي حاصل ده أنا لما حبيت أشارك حالتي الصحية كان عشان أنا كنت مخضوضة جدا على نفسي وفكرة إن لا أنا ولا الدكاترة حتى عارفين أنا عندي إيه كانت رعباني».

وأضافت: «كنت محتاجة بس أوصلكم إن حياتي فيها الحلو وفيها الوحش وقلت في الستوري إن الموضوع مش الغرض منه القلق وإني مش عايزة حد يقلق عليا أنا كويسة وعندي يقين في ربنا إنه هيقومني بالسلامة وإن شاء الله تبقى حاجة بسيطة بس من خضتي كتبت مع إن دي مش طبيعتي إني أشارك الحاجات السلبية عموما».

وتابعت: «أنا بس مش عارفة أقول إيه ولا إيه من قلبي بشكر كل حد سأل عليا ودعالي والله كله كان بيوصلني وأنا أسفة لو مردتش على حد وبشكر كل زمايلي وأساتذتي اللي كانو بيسألوا عليا كل يوم ومسابونيش لحظة وكل صحابي وعيلتي اللي كانو جنبي أنا الحمدلله بقيت أحسن من الأول وبطلت أروح المستشفي الحمدلله بحمد ربنا إنها جت على قد كده حتى لو الأيام اللي فاتت كانت صعبة واللي عندي ده حاجة مخيفة شوية وخضتنا بس برضو أنا كويسة والحمدلله أنها جت لحد كده».

واختتمت: «ربنا حماني من حاجة أكبر وأهم حاجة إذا عُرف السبب بطل العجب والحمد لله أننا عرفنا.. هي حساسية شديدة في الدم، الموضوع critical شوية بس أنا مطمنة أنا بخف وبتحسن كل يوم الحمد والشكر الله ومفيش حاجة خطيرة بإذن الله وأنا أسفة لو كنت قلقتكم بس ده مكانش الغرض أبدا والله شكرا من كل قلبي على الحب ده أنا عرفت غلاوتي عندكم وعند كل اللي حواليا بشكركم من كل قلبي».