أحمد سعد عن تعاونه مع عمرو سعد في كليب أخويا: "اتكسفت بعد ماقولتله وهو دايما في ضهري"

كشف الفنان أحمد سعد عن كواليس تعاونه مع شقيقه عمرو سعد، في كليب أخويا، مؤكدا على سعادته الكبيرة بهذا التعاون.

أحمد سعد يروي كواليس تعاونه مع شقيقه في كليب أخويا

وقال أحمد سعد -خلال تصريحات مع برنامج et بالعربي: "عمرو ده حبيبي اقترحت عليه الموضوع وبعدين اتكسفت لأنه نجم كبير حتى لو أخويا بس مش هكلم حد أقل منه حتى أقوله اطلع معايا في كليب وبعد ماقولتله أنا غيرت رأيي قالي لا انا شايف لو بقينا سوا هيبقى حلو.. وهو دايما بيدعمني وفي المشاكل واقف في ضهري، انا بشكره على كل حاجة بيعملها عشاني وبحبه اوي وحاجة كبيرة بالنسبالي وعلى راسي إن أخويا الكبير معايا في الكليب".

أحمد سعد: دنيا سمير غانم رقيقة.. ومروان موسى وعفروتو قلبهم نضيف

كما تحدث أحمد سعد عن تعاوناته المقبلة منها تعاونه مع الفنانة دنيا سميرغانم للمرة الأولى في أغنية فيلمها الجديد روكي الغلابة، وقال أحمد سعد: "دنيا سمير غانم رقيقة وجميلة وذوقها عالي وأنا أصلا من جمهورها وبحب أسمعها، وتحس واحنا بنغني سوا الجميلة والوحش وإن شاء الله الأغنية تعجب الناس وتكون مختلفة لأنها بتغني شعبي وعن الأشرار وحاجة مختلفة".