مشفقة عليها.. هبة عبد الغني تعلق على حلقتها المثيرة للجدل مع مي عز الدين

وجهت الفنانة هبة عبد الغني على توجيه رسالة دعم للفنانة مي عز الدين، بعد حلقتها في بودكاست بوب كورنر، وذلك بعد أيام من الجدل الذي الذي أثاره اللقاء بسبب حالة الحزن التي ظهرت عليها الأخيرة.

ونشرت هبة عبد الغني، مقطع فيديو من الحلقة وهي تتحدث عن وجع الفقد عبر حسابها الرسمي على موقع تبادل الصور والفيديوهات إنستجرام، وعلقت عليه قائلة: "تجربة صعبة، كنت مشفقة على مي عز الدين وريهام عبد الغفور منها وقلت دا في أكتر من تصريح قبل رمضان اللي فات، ومكنتش متخيلة همر بيها بالسرعة دي وأفقد أغلي وأعز حد عندي في الدنيا أمي".

 وأضافت: "وأنا باسجل الحلقة دي مع مي، كنت بحارب الظروف و الوقت و كلام الدكاترة المحبط جدا ليا و لكن قضاء الله نافذ، وبعد مرور 4 شهور علي وفاة أمي دلوقتي بس فهمت كلام مي وقررت اتحرك، وأول تحركاتي كانت أني أخرج البودكاست دا للنور خصوصًا أن أمي السبب فيه وكانت فرحانة قوي بالحلقات الأولي الثلاثة اللي هتشوفوها دي وقت تسجيلها".

واختتمت برسالة شكر لمي عز الدين، قائلة: "شكرا مي عز الدين مليون مرة علي حاجات الناس شايفاها بعنيها و حاجات مش هتقدر الناس تشوفها، شكرا من قلبي وانتي اكتر واحدة عارفة أني في أوقات معينة باتبرجل ومبعرفش اقول الكلام المناسب، بس أنا ممتنه ليكي قوي وأنتي عارفه ليه، شكرا يا مي بحبك".