بعد انتقاد زيادة وزنه.. شوبير يدافع عن ناصر منسي: اللوم الأكبر على الزمالك

دافع الإعلامي أحمد شوبير عن ناصر منسي، مهاجم الزمالك، بعد الانتقادات التي تعرض لها بسبب زيادة وزنه خلال الفترة الأخيرة، مؤكدًا أن اللاعب يتحمل جزءًا من المسؤولية، لكن اللوم الأكبر يقع على النادي بسبب تأخر فترة الإعداد.

وقال شوبير: "شايف حملة على ناصر منسي علشان تخنان شوية، هل هو تخنان؟ آه، ولكن مش ذنبه. المفروض إن نادي الزمالك كان يبدأ فترة إعداد قبل الدوري بشهر على الأقل".

وأضاف: "اللاعب اللي بيكون زايد 3 أو 4 كيلو في فترة الإجازة، ده أمر عادي وبينزلهم خلال فترة الإعداد، وإحنا كنا بنعمل كده برضه لما بنكون في إجازة، والحمل كان بيبدأ عالي وبعدها يقل".

وتابع: "لما اللاعيبة راحت الزمالك فجأة، أنت بتتمرن تكتيك وبعدها مباريات ودية، ثم الدوري العام بعد أسبوعين، فالخطأ إن الزمالك بدأ الإعداد متأخر".

ووجه شوبير رسالة للجماهير والإعلام قائلًا: "متظلمش اللاعب، وبعدين منين السنة اللي فاتت بتقول عليه أسطورة، والسنادي من بداية الدوري شايط في اللاعيبة بشكل رهيب؟ ليه متستحملوش اللاعيبة شوية؟ اللاعيبة لحم ودم برضه".

واختتم: "أنا بلوم اللاعب طبعًا، ولكن اللوم الأكبر على النادي، مش طول الوقت ضغط وضغط بشكل غريب وعجيب.. حرام كده".