زوج منة عرفة يعتذر لنقيب الممثلين: بيعمل حاجات كتير علشان يخلي الفن يليق بمكانة مصر

أبدى محمود المهدي زوج الفنانة منة عرفة، ندمه الشديد عن ما بدر منه من تجاوزات في حق نقيب المهن التمثيلية، الفنان أشرف زكي، بتصريحات المسيئة عبر السوشيال ميديا، متوجها باعتذار للنقيب، وواصفا ما حدث بكونه سوء تفاهم.

وأكد زوج منة عرفة، أن النقيب يعمل من أجل خدمة الفن والارتقاء به دائما، وأنه أخطأ في حقه لكونه كان يغفل عن أمور كثيرة، قائلا: "حابب أتكلم في موضوع النقابة، وللأسف الموضوع كبر، وتم عمل مبادرة برعاية مسعد فودة نقيب السينمائين، والسيناريست أحمد عاشور، ومحمد جمعة، وتم عقد جلسة في مكتب الأستاذ مسعد فودة، واجتمعنا ووضح لي أشياء كثيرة  كنت أغفل عنها". 

وأضاف: "وفي ناس كتيرة استغلت الموضوع وسخنت الدنيا وسخنتني وحصل حاجات كتير غلط وماكنش له لازمة كل ده، والأستاذ مسعد فودة فتح عيني على حاجات كتير ما كنتش شايفها، وطلع الدكتور النقيب أشرف زكي بيعملها وفي حاجات كتيرة الناس ما تعرفهاش، وحاجات بيعملها كتير علشان يخلي دايما الفن يليق بمكانة مصر".

وتابع: "لولا الخلاف اللي حصل مكنتش عرفت الحاجات اللي بيعملها وان الاتجاه واحد وإننا عايز فن يرفع من مكانة مصر، في سوء فهم حصل وناس استغلت الموضوع ده".

واستكمل: "وبشكر الأستاذ مسعد فودة إنه لفت نظري لحاجات كتيرة كنت غافل عنها، وأنا في الأول والأخر مش عايز أى حد يزعل مني ولا أي فنان، ومش عايز حد يبقى شايل مني في حاجة، ولا عايز الدكتور النقيب أشرف زكي يبقى شايل مني في حاجة".

واختتم حديثه: "عايز أركز في شغلي وعايز أثبت نفسي على الساحة ومنة عايزة تركز شغلها، عايز أبعد عن أي مناوشات وبتمنى يكون محدش يكون زعلان مني أو شايل مني في حاجة".