محمود الليثي يرد على هاني شاكر: إنت أحلى حاجة ربنا بعتهالي
كتب: نسرين إبراهيم
أعرب المطرب الشعبي محمود الليثي، عن سعادته الشديدة بحديث الفنان الكبير هاني شاكر عنه وإشادته بموهبته من خلال مقطع فيديو تحدث فيه الأخير عن "الليثي".
قال "شاكر": "أنا بحب محمود الليثي جدا، مطرب شعبي جميل صوته حلو، ودايما لما بيكلمني في التليفون يغنيلي أغاني من بتاعتي دمه خفيف جدا، وبنقعد نتسلطن كده ونغني، حقيقي احساسه حلو محمود، ربنا يوفقه دايما ويسعده دايما وأشوفه علطول ناجح".
ورد الليثي على هاني شاكر عبر حسابه الرسمي على "فيسبوك"، قائلا:"وأقسم بالله وحياة ربنا إنت أحلي حاجه ربنا بعتهالي في حياتي يانجم دنا طول عمري بحبك وليه الشرف لما أمير الغناء العربي يقول كده عليه حضرتك قيمه في الفن ده وربنا بعتك لينا والله العظيم أنا بحب حضرتك جدا جدا ويارب يخليك لينا ويخلي لينا فنك إلا هو أجمل حاجه في حياتنا".
وتابع: "كلام كبير من أستاذ عظيم في الفن، العلم الأستاذ الكبير هاني شاكر كفايه روحك وأدبك وحبك لينا كلنا ونيتك الصافيه والله العظيم الكلام قليل علي حضرتك بحبك وربنا يديك الصحه والستر من الرحمن بحبك حضرتك وأنت أغلي حاجه عندي الأستاذ هاني شاكر نقيب الموسيقين وأمير الغناء العربي".
