صفية العمري: «القنوات لازم تدفع لنا فلوس على أعمالنا اللي بتعرضها لحد دلوقت»

كشفت النجمة الكبيرة صفية العمري عن بداية حياتها الفنية، إلى جانب كواليس تصوير مسلسل "ليالي الحلمية" والتي اشتهرت فيه بتأديتها لشخصية "نازك السلحدار".  

قالت العمري: "نازك السلحدار في "ليالي الحلمية" دي شخصيتي أنا، يعني أنا طول عمري كده من وأنا صغيرة ودي شخصيتي، نازك ماضفتش ليا حاجة، بالعكس أنا اللي ضفت ليها من روحي ومن شخصيتي أنا".

وعن كواليس مسلسل "الأيام" مع أحمد زكي، وقالت: "في بداياتي، حتى مفكرتش وقتها مين اللي هيلبسنا، زي ما موجود النهاردة الفنان بيدخل معاه 7 وراه مبيجبش حتى المنديل من بيته، إحنا مكناش بناخد فلوس خالص، يعني مبالغ ضئيلة جدًا، وكنا بنصرف على مظهرنا، يعني ملابس مسلسل "هوانم جاردن سيتي" كله و"ليالي الحلمية" أنا جبته على حسابي، تمن البرنيطة بس بسعر حلقة، مكناش بنفكر هنقبض كام لأنه كان الفن بالنسبة لنا هو الحياة".

وفي سياق متصل، عبرت صفية العمري عن حزنها وذلك لعدم حصول الفنانيين على مقابل مادي، نظير عرض أعمالهم على القنوات التلفزيونية، بقولها: "إحنا الفنانيين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم، العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة لكن الفنان مش مستفيد بحاجة، للأسف النهاردة فيه فنانيين كتير مرضى، هل ينفع إن الدولة هي اللي تعالج الفنان؟ أنا غضبانة جدًا"، وجاء ذلك خلال استضافتها مع الإعلامية اللامعة بوسي شلبي على قناة Ten.

وي آخر أعمال صفية العمري فيلم كان لك معايا وتدور أحداث الفيلم فى إطار اجتماعى رومانسى، وهو من بطولة الفنانة صفية العمرى والفنان محمود قابيل، إضافة إلى كل من الشباب منة جلال وأسامة أسعد.