فيديو| بيومي فؤاد: «أبويا كان بيضربني بالخرطوم وعزمته على سجائر»
كتب: إسراء محمد
حل الفنان الكوميدي بيومي فؤاد، ضيفا ببرنامج «واحد من الناس»، عبر فضائية الحياة، مع الإعلامي عمرو الليثي.
وتحدث «بيومي»، عن طفولته قائلا:«أنا كنت طفل معجون بمية عفاريت وكان يتم ضربي من والدي بالخرطوم بسبب لعبي في الشارع».
وقال: «لما أخدت الثانوية العامة خدت قلم على وشي من أبويا عشان اتخانقت مع أخويا الكبير وصالحني بعدها وأهداني ساعة».
وأضاف بيومى فؤاد خلال حواره مع برنامج «واحد من الناس» مع الإعلامي عمرو الليثي على "الحياة": "كنت أحيانا أرجع من غير الكوتشي وأنا بلعب كورة لأني كنت بعمله عارضة، وذهبت إلى المنصورة مرة عشان ألعب كورة، كما إني شربت سجائر في آخر سنة في الكلية ووالدي كان موظف في الكلية وشاهدني وأنا بشرب سجائر، واتسمرت في مكاني وطلعت السيجارة من بوقي وقلت له اتفضل".
وتابع: «علاقتي طيبة بجيراني وأكتر شخص كنت بحبه وأتريق عليه كان صاحبي الصعيدي كان بيلعب كورة في أي وضع حافي لابس هدوم أو من غير هدوم، وعملت مقلب في مدرس الجغرافيا والتاريخ، وكان بيطلب فلوس الدرس عند الحصة الأخيرة وأنا كنت بزهقه وأقله مفيش فلوس معايا».
