بالفيديو.. سر تأخر بيومي فؤاد عن الزواج

حل الفنان بيومي فؤاد ضيفا ببرنامج «واحد من الناس»، الذي يقدمة الإعلامي عمرو الليثي عبر فضائية الحياة.

وصرح «بيومى» قائلا : «انا كنت مستصغر نفسي على الجواز على طول وكنت بتكسف أقول لاي بنت انى معجب بيكى»، ولهذا السبب تزوجت على كبر، وكنت دائما بحب من طرف واحد.

وأضاف فؤاد خلال الجزء الثانى من حواره: «أنا في حاجات كتير أخفيها عن مراتى منها انى بشرب سجاير من وراها، ومن الحاجات اللى بخبيها عليها انى كل سنة كنت بوعدها انى مش هعمل مسلسلات في رمضان، واخفي عليها وبعدين بمضي شغل في رمضان، وزوجتى ما تعرفش انا رايح فين وجي منين، وانا بطبعى لو حد كلمنى وقالى تعالى عاوزك ما اسئلوش عاوزنى ليه، وأمى هي اللى علمتنى اسبها على الله وبلاش مقاطعة، لكنى لا يمكن اكذب، وعمر زوجتى ما اتجسست عليا»، وتابع: «الحمد لله لم يتم كشفى في حاجة لحد دلوقتى لأن مراتى زعلها وحش اوى والحمد لله ما جربتش لحد دلوقتى»».

وأشار بيومى فؤاد إلى أن «هناك معجبات كتير بى لأنى لطيف، والتقل عندى أنا مولود بيه طبيعى، وبكره الكلام في التليفون، ومعرفش اجيب دباديب، وأنا ومراتى عمرنا ما قولنا لبعض في عيد جوازنا كل سنة وانتى طيبة، وفي أعياد الميلاد اهتمامنا اكتر بولادنا».

واختتم: «دائمًا عندى حدود وبحب الست اللى بتعمل حدود، وسر السعادة الزوجية في اللى ينفع تطنشه طنشه علشان تبقى لطيف، وعلشان الحياة تستمر، وكمان علشان لما تقوملك قومه يعرفوا انه لسبب كبير».