مجدي أحمد علي: كنت عارف أن ابني بيشرب مخدرات في فترة من حياته.. والفلوس كانت بتنقص من جيبي

فجر المخرج مجدي أحمد علي على الهواء مفاجأة آلا وهى علمه بأن نجله الفنان الشاب أحمد مجدي كان يتعاطى المخدرات ويسرق منه الأموال أثناء فترة دراسته في الثانوية العامة.

قال "مجدي": "أنا فوجئت إنه قال الكلام ده طبعا عارفه، هو عبيط لو متصور إن أنا مش عارف، عارف كل حاجة طبعا أنا يعني، لأن ده الشباب والسن ده بيتعرض للحاجات دي وفي فلوس بتنقص من جيبي".

وتابع: "بس أحمد عمره ما كان فاشل، في الـ 3 سنين بتوع ثانوي كان ناجح جدا وعمره ما سقط في مادة، كان المفروض يدخل معهد سينما مدخلش، لكن دخل بعد كده حقوق عين شمس، متعجبًا: "فيه أصعب من حقوق عين شمس في الدنيا!، أنا كنت قولت إنه هياخدها في 10 سنين، مفيش سنة سقط في مادة، كان معوض المذاكرة الكتير، بالذكاء والقدرة على الفهم".

واستطرد: "تعاطي المخدرات مأثرش فيا ولا حاجة، طالما مدخلش في الإدمان، طالما بيعمل كده حاجات بتاعة شباب، مش مخدرات من النوع الإدمان، أنا عارف هو مصاحب مين، وأن دي مرحلة هيعديها، محبتش أحط المرحلة في حجم أكبر من حجمها".

واختتم المخرج حديثه قائلا: "أحمد كان شايل مسئولة وهو عنده 6 سنين، كنا بنخرج أنا ومامته، بنسيبه في البيت، ومعاه مسئولية إخواته البنات، يأكلهم ويشربهم ونيجي نلاقيه منيمهم"، وجاء ذلك أثناء استضافته في برنامج "العنيدة" المذاع على قناة "الشمس".

يذكر أن، أحمد مجدي، قد كشف عن تعاطيه للمخدرات في فترة من حياته سابقا، وجاء ذلك خلال ظهوره في برنامج "معكم" مع الإعلامية منى الشاذلي في حوار سابق بقوله: "في تانية ثانوي كنت عايز أبقى كول وصايع، وحضور في المدرسة، مراهقة يعني، عايز أبقى متحقق، كنت فاشل جدا، وضايع تماما، كنت بشرب مخدرات كتير، كنت بسرق أبويا، كنت صعب، ده اللي حصل في تانية ثانوي، قعدت سنة كده، كنت صعب جدا".

ومن ناحية أخرى، فيلم" 2 طلعت حرب" يعد آخر أعمال المخرج مجدي أحمد علي بطولة: سمير صبري، أحمد وفيق، أحمد مجدي، عبير صبري، ميدو عادل، ميار الغيطي.