الرئيس السيسي: «المشروعات القومية أمور حتمية.. والزيادة السكانية هتاكل البلد»

أكد الرئيس عبد الفتاح السيسى أن "اللقاءات فرصة حتى نتكلم مع نفسنا وأهلنا، فنحن لسنا موجودين لنتحدث فى الدقهلية أو المنصورة فقط بل في كل الدولة ليعلموا لماذا نفعل ذلك".

وأضاف الرئيس السيسى: "هذه المشروعات ليس زيادة فلوس معانا ولكنها أمور حتمية لازم نعمل كده ولو معملناش كده يبقى قصرنا في الحاضر والمستقبل".

وتابع الرئيس السيسى: "أنتم في مجلس الوزراء عندما تجتمعون ففي كل اجتماع عليكم أن تتحدثوا في هذه الموضوعات لتشكيل وعى حقيقي".

 وأن "النمو السكانى هياكل البلد، وعندما نقول ذلك إحنا مش بنخوفكم ونقول الكلام ده لكل المؤسسات في مصر بما فيها المؤسسات الدينية".

وأضاف الرئيس السيسى: "هل يرضى ربنا إن اللى كنا فيه من 100 سنة كنا كدة، وبعد ما الدنيا كلها تقدمت نبقى كده الآن، هل اللى كان موجود من 80 و100 سنة في المنصورة، هو اللي موجود في المنصورة الآن، ويقولك ده ميصعبش علينا أن نكون منذ 100 سنة مشهد، والآن مشهد آخر".

قال الرئيس عبد الفتاح السيسي: "كان حد كلمني نخف الأعمال بتاعتنا شوية، قلتلهم حجم الشركات العاملة فى الدولة المصرية فى مشروعات محددة، ومش بتكلم على القطاع الخاص، هنلاقى هناك مش أقل من 5 آلاف شركة شغالين يا جماعة، يعنى متوسط مش هقول 5 آلاف لا قول ألف عامل بس فى كل شركة، يعني 5 ملايين إنسان يعنى 5 ملايين أسرة، لو قفلت قولولى الملايين دى كلها تعيش ؟ طيب أديهم تكافل وكرامة ولا أخليهم يشتغلوا ويبنوا البلد؟".

أضاف الرئيس: "قوتنا في فهمنا ولما بخلي زمايلي يشرحوا ويتكلموا في أمور قد تكون مش محل اهتمام المواطن، في النهاية هو عاوز فلوس في جيبه والحاجات موجودة في السوق بسعر كويس".