Elasimah AdPlace
Elasimah AdPlace
Elasimah AdPlace

ميريهان حسين: «فكرت في الاعتزال لأني مش متقدرّة»

 كتب:  عزة عبد الحميد
 
ميريهان حسين: «فكرت في الاعتزال لأني مش متقدرّة»
ميريهان حسين
Elasimah AdPlace
Elasimah AdPlace
Elasimah AdPlace

أعلنت ميريهان حسين أنها لم تحصل على حقها في الوسط الفني، وأنها فكرت عدة مرات في الاعتزال، لأنها لم تشعر بالتقدير الكافي لها.

ونشرت ميريهان حسين مقطع فيديو من لقاءها في برنامج "صاحبة السعادة"، مع الفنانة إسعاد يونس، وكتبت عليه معلقة، عبر حسابها بموقع انستجرام، :"أنا أول مرة اقولها، انا فعلا فكرت كتير جدًا اعتزل العمل في الفن لأني كنت شايفة اني مش متقدرة واتظلمت كتير في هذا الوسط الذي لا يمنح النجومية حسب الموهبة، لأ للأسف بيخضع كتير للعلاقات الشخصية و بيفرض ناس لا تستحق و يعطي فرص كبيرة لناس تكاد تكون معدومة الموهبة".

وأضافت، قائلة :"وانا عانيت كتير من احساسي إني استحق فرص أكبر و أكثر تنوعًا في الوقت اللي كان بيتم اختيار شخصيات لأداء أدوار عظيمة لا تشبههم شكلًا و لا مضمونًا لمجرد صداقة فلانة بفلان و احتضان مصر لغير الموهوبين من جنسيات آخرى مع احترامي التام لأي جنسية وأي فنان او فنانة عندهم موهبة ولايقين في الادوار اللي بيقدموها و بيعملوا المجهود اللازم لأن التمثيل ده مش مجرد وقوف امام كاميرا لأ ده عمل شاق من التخيل و المذاكرة و التقمص و التحمل و الصبر و كل ده على أمل التقدير".

واستكملت قائلة :"أنا ماكنتش عايزة غير تقدير واعطائي فرص اقدر اعرض فيها ادواتي كممثلة و مغنية و قادرة على تقديم اعمال استعراضية و ده اللي كان اساس اختياري في برنامج ستار اكاديمي في لبنان و ايمانهم الشديد اني املك العديد من المواهب اللي تؤهلني للتقدم في صفوف النجومية خاصة في بلدي مصر".

وتختتمت كلامها قائلة  :"حقيقي انا مش عارفة اقول ايه على كلامك عني .. كلامك عني و رأيك فيا شهادة عظيمة جدًا في حقي لأنه مش أي رأي ده رأي واحدة من القليلات الفنانات العظيمات الرائدات كممثلة كوميديانة و منتجة كبيرة ذات خبرة طويلة و كبيرة في تمييز الموهبة و الأعمال الناجحة شكرًا من قلبي يا صاحبة السعادة على استقبالك الجميل ليا و كل كلمة قولتيها عني هي تقدير و تكريم عظيم ليا افتخر بيه شكرًا ليكي و لفريق اعداد برنامجك الجميل".