منة فضالي: مش هتجوز عشان محدش يتحكم فيا.. واتعودت ابقى لوحدي ومبسوطة كده

تحدثت النجمة منة فضالي عن دورها في مسلسل جعفر العمدة، حيث كشفت أنها تنتقد نفسها ولا تشاهد أعمالها.

وقالت منة فضالي في تصريحات تلفزيونية: أنا بثق في محمد سامي؛ لأنه مخرج متميز وأمين على الممثل وبيخاف عليه وبيحبه ولو مشهد واحد بس هوافق أعمله مع محمد سامي؛ لأن عنده كل الممثلين واحد ولو واحد مبيعرفش يمثل هيخليه يمثل.

وأضافت: كنت خايفة يبقى دمي تقيل في جعفر العمدة؛ لأني مجربتش أعمل كوميدي وعمري ما شوفت نفسي دمي خفيف وعمري ما اتفرجت على مشهد ليا بعد ما أخلص؛ لأني دايما بنتقد نفسي وبشوف نفسي مبعرفش أمثل وممكن أسمع ردود الأفعال بس واتطمن.

كما تحدثت منة فضالي عن إمكانية زواجها، قائلة: أنا واخدة موقف من الجواز واتعودت ابقى لوحدي ومبسوطة كدا؛ لأني مبحبش حد يتحكم فيا واتقدملي كام حد بس خلاص، مبحبش حد يقولي أنتي خارجة وجاية أمتى، أنا ممثلة وبرجع بليل.